ചെന്നൈ: പ്രശസ്ത സംഗീതസംവിധായകൻ അനിരുദ്ധ് രവിചന്ദറും സൺറൈസേഴ്സ് ഹൈദരാബാദ് സിഇഒ കാവ്യ മാരനും വിവാഹിതരാകാൻ പോകുന്നുവെന്ന അഭ്യൂഹങ്ങൾ വീണ്ടും സജീവമാകുന്നു (Anirudh Kavya Maran Wedding). അനിരുദ്ധിന്റെ അമ്മാവനും മുതിർന്ന നടനുമായ വൈ ജി മഹേന്ദ്രൻ ഒരു അഭിമുഖത്തിൽ നടത്തിയ പരാമർശങ്ങളാണ് ഈ വാർത്തയ്ക്ക് ആക്കം കൂട്ടിയത്. ഇരുവരും തമ്മിലുള്ള വിവാഹം ഉറപ്പിച്ചു കഴിഞ്ഞുവെന്നും അതൊരു വലിയ വിവാഹമായിരിക്കുമെന്നുമാണ് അദ്ദേഹം പറഞ്ഞത്.
ഒരു തമിഴ് ഓൺലൈൻ ചാനലിന് നൽകിയ അഭിമുഖത്തിലാണ് അനിരുദ്ധിന്റെ വിവാഹത്തെക്കുറിച്ച് അദ്ദേഹം സംസാരിച്ചത്. “അനിരുദ്ധ് വളരെ ശാന്തനായ കുട്ടിയാണ്. അവനൊരു വലിയ വിവാഹത്തിന് തയ്യാറെടുക്കുകയാണ്. എനിക്ക് ലഭിച്ച വിവരങ്ങൾ പ്രകാരം അതൊരു ഉറപ്പായ കാര്യമാണ്,” എന്ന് അദ്ദേഹം പറഞ്ഞു. കാവ്യ മാരനെക്കുറിച്ചും അദ്ദേഹം നല്ല അഭിപ്രായമാണ് പങ്കുവെച്ചത്. ഇവർ നല്ലൊരു ജോഡിയാണെന്നും അദ്ദേഹം കൂട്ടിച്ചേർത്തു. എന്നാൽ, ഇക്കാര്യത്തിൽ അനിരുദ്ധോ കാവ്യയോ ഇതുവരെ ഔദ്യോഗികമായി പ്രതികരിച്ചിട്ടില്ല.
ഇരുവരും തമ്മിലുള്ള വിവാഹത്തെക്കുറിച്ച് കഴിഞ്ഞ വർഷം ജൂണിലും സമാനമായ വാർത്തകൾ പ്രചരിച്ചിരുന്നു. എന്നാൽ അന്ന് ട്വിറ്ററിലൂടെ അനിരുദ്ധ് തന്നെ നേരിട്ട് രംഗത്തെത്തി അത് വെറും അഭ്യൂഹമാണെന്ന് പറഞ്ഞ് തള്ളിക്കളഞ്ഞിരുന്നു. എന്നാൽ ഇപ്പോൾ കുടുംബാംഗത്തിൽ നിന്ന് തന്നെ ഇത്തരമൊരു വെളിപ്പെടുത്തൽ വന്നത് ആരാധകർക്കിടയിൽ വലിയ ആകാംക്ഷയാണ് സൃഷ്ടിച്ചിരിക്കുന്നത്.
ആരാണ് കാവ്യ മാരൻ?
സൺ ഗ്രൂപ്പ് ചെയർമാൻ കലാനിധി മാരന്റെയും കാവേരി മാരന്റെയും മകളാണ് കാവ്യ മാരൻ. 2018 മുതൽ സൺറൈസേഴ്സ് ഹൈദരാബാദിന്റെ സിഇഒ ആയി പ്രവർത്തിക്കുന്ന കാവ്യ, ഐപിഎല്ലിലെ ഏറ്റവും പ്രായം കുറഞ്ഞ ടീം ഉടമകളിലൊരാളാണ്. കൂടാതെ സൺറൈസേഴ്സ് ഈസ്റ്റേൺ കേപ്പ്, സൺറൈസേഴ്സ് ലീഡ്സ് തുടങ്ങിയ ടീമുകളുടെ പ്രവർത്തനങ്ങളും കാവ്യയാണ് നയിക്കുന്നത്. കലാനിധി മാരന്റെ ഉടമസ്ഥതയിലുള്ള സൺ പിക്ചേഴ്സിന്റെ നിരവധി ഹിറ്റ് സിനിമകൾക്ക് സംഗീതം നൽകിയത് അനിരുദ്ധ് ആയതിനാൽ, ഇരുവരും തമ്മിലുള്ള പ്രൊഫഷണൽ ബന്ധം വളരെ നേരത്തെ തന്നെ തുടങ്ങിയതാണ്.
Summary: Speculation regarding a potential marriage between renowned music composer Anirudh Ravichander and Sunrisers Hyderabad CEO Kavya Maran has intensified following comments by actor and Anirudh’s uncle, YG Mahendran. In a recent interview, Mahendran suggested that the wedding is a “sure thing,” describing the couple as a good match. While similar rumors surfaced last year and were dismissed by Anirudh at the time, this latest statement from a family member has reignited widespread public interest. Neither Anirudh nor Kavya has officially confirmed any marriage plans yet.
