കൊച്ചി: മിനിസ്ക്രീൻ പ്രേക്ഷകരുടെ പ്രിയതാരം അശ്വതി തന്റെ കുടുംബത്തിലേക്ക് അഞ്ചാമത്തെ അതിഥി എത്തുന്ന വിവരം ആരാധകരെ അറിയിച്ചു (Alphonsamma Serial Actress). “ഞങ്ങളുടെ കുടുംബം വലുതാകുന്നു. ഹൃദയം നിറയുന്നു. കുടുംബത്തിലെ അഞ്ചാമത്തെ അംഗം 2026-ൽ എത്തും” എന്നാണ് താരം ഇൻസ്റ്റാഗ്രാമിൽ കുറിച്ചത്.
‘അൽഫോൻസാമ്മ’ എന്ന സീരിയലിലെ ടൈറ്റിൽ കഥാപാത്രത്തെ അവതരിപ്പിച്ചാണ് അശ്വതി ശ്രദ്ധിക്കപ്പെട്ടത്. പിന്നീട് ‘കുങ്കുമപ്പൂവ്’ എന്ന സൂപ്പർഹിറ്റ് പരമ്പരയിലെ അശ്വതിയുടെ വേഷവും ഏറെ പ്രശംസ പിടിച്ചുപറ്റിയിരുന്നു. വിവാഹശേഷം ഭർത്താവ് ജെറിനോടൊപ്പം വിദേശത്ത് താമസമാക്കിയ താരം ഇപ്പോൾ അഭിനയത്തിൽ നിന്ന് വിട്ടുനിൽക്കുകയാണ്. ഇവർക്ക് ജോഹാന, ബ്രിയന്ന എന്നിങ്ങനെ രണ്ട് പെൺമക്കളുണ്ട്.
തന്റെ പെൺമക്കൾക്കൊപ്പം നിൽക്കുന്ന മനോഹരമായ ചിത്രത്തോടൊപ്പമാണ് അശ്വതി ഈ സന്തോഷവാർത്ത പങ്കുവെച്ചത്. പോസ്റ്റിന് താഴെ ശാലു മേനോൻ ഉൾപ്പെടെയുള്ള സീരിയൽ രംഗത്തെ സഹപ്രവർത്തകരും ആരാധകരും ആശംസകളുമായി എത്തിയിട്ടുണ്ട്.
Story Summary: Actress Ashwathy (Priscilla Jerin), famous for her title role in the serial ‘Alphonsamma’ and her character in ‘Kumkumapoovu’, shared the news of her third pregnancy. Currently living abroad with her husband Jerin and two daughters, Johanna and Brianna, Ashwathy announced that the fifth member of their family will arrive in 2026. Fans and colleagues flooded her social media with congratulatory messages.
