കോഴിക്കോട്: മെഡിക്കൽ വിദ്യാഭ്യാസ മേഖലയിൽ പത്തു വർഷം പൂർത്തിയാക്കുന്ന ആരോൺ അക്കാദമി 50 ലക്ഷം രൂപയുടെ ‘ആരോൺ എലവേറ്റ് സ്കോളർഷിപ്പ്’ പദ്ധതി പ്രഖ്യാപിച്ചു (Arown Academy Kozhikode Scholarship 2026). കോഴിക്കോട് നടന്ന ‘ക്യാപ്സ്റ്റോൺ – 2026’ വാർഷികാഘോഷ ചടങ്ങിൽ അക്കാദമി ഡയറക്ടർമാരായ ദീപക് വി.വി, സുജിത്ത് എസ് എന്നിവർ ചേർന്നാണ് പദ്ധതി പുറത്തിറക്കിയത്. സാമ്പത്തികമായി പിന്നാക്കം നിൽക്കുന്നവർക്കും മിടുക്കരായ വിദ്യാർത്ഥികൾക്കും പ്രൊഫഷണൽ വിദ്യാഭ്യാസം ഉറപ്പാക്കുകയാണ് ലക്ഷ്യം.
സാമ്പത്തികമായി പിന്നാക്കം നിൽക്കുന്ന 14 വിദ്യാർത്ഥികൾക്ക് ഹോസ്പിറ്റൽ അഡ്മിനിസ്ട്രേഷൻ കോഴ്സ് പൂർണ്ണമായും സൗജന്യമായി പഠിക്കാം. വരുമാന സർട്ടിഫിക്കറ്റ് പരിശോധനയുടെയും ഇന്റർവ്യൂവിന്റെയും അടിസ്ഥാനത്തിലായിരിക്കും തിരഞ്ഞെടുപ്പ്.
അക്കാദമി നടത്തുന്ന പ്രത്യേക പ്രവേശന പരീക്ഷയുടെ അടിസ്ഥാനത്തിൽ മിടുക്കരായ വിദ്യാർത്ഥികൾക്ക് ഫീസിളവ് ലഭ്യമാക്കും. പരീക്ഷാ തീയതിയും അപേക്ഷാ രീതിയും പിന്നീട് അറിയിക്കും.
ചടങ്ങിൽ അക്കാദമിയുടെ പുതിയ ലോഗോയും അലുംനി കമ്മ്യൂണിറ്റിയുടെ ലോഗോയും ഡയറക്ടർമാരായ ദീപക് വി.വി, സുജിത്ത് എസ്, കോ-ഫൗണ്ടർമാരായ മുന്ന സുജിത്ത്, നിമ്മി ദീപക് എന്നിവർ ചേർന്ന് പുറത്തിറക്കി. പത്താം വാർഷികത്തോടനുബന്ധിച്ച് നടന്ന ബിരുദദാന ചടങ്ങിൽ 200 ഓളം വിദ്യാർത്ഥികൾ ബിരുദം ഏറ്റുവാങ്ങി.
കഴിഞ്ഞ പത്ത് വർഷത്തിനിടെ മെഡിക്കൽ കോഡിങ്, ഹോസ്പിറ്റൽ അഡ്മിനിസ്ട്രേഷൻ തുടങ്ങിയ മേഖലകളിൽ 15,000-ലധികം വിദ്യാർത്ഥികൾ ഇവിടെ നിന്ന് പഠനം പൂർത്തിയാക്കിയിട്ടുണ്ട്. ഇതിൽ 12,000-ത്തോളം പേർക്ക് ഇതിനോടകം ജോലി ലഭിച്ചതായും മാനേജ്മെന്റ് അറിയിച്ചു. പാനൽ ചർച്ചകൾ, ഫയർസൈഡ് ചാറ്റ്, വയലിൻ പ്രകടനം എന്നിവയും ക്യാപ്സ്റ്റോൺ 2026-ന്റെ ഭാഗമായി നടന്നു.
Story Summary:
Arown Academy, a leading medical education institution in Kozhikode, marked its 10th anniversary by launching the ‘Aron Elevate Scholarship’ worth ₹50 lakhs. Announced during the ‘Capstone 2026’ event by directors Deepak V.V. and Sujith S., the scheme offers full sponsorship for 14 underprivileged students and merit-based aid for others via an entrance exam. The event also saw a convocation ceremony for 200 students and the unveiling of the academy’s new logo. Over a decade, the academy has trained 15,000+ students in healthcare courses.
