തിരുവനന്തപുരം: നെയ്യാറ്റിൻകര കാഞ്ഞിരംകുളത്ത് ബൈക്കുകളുടെ മത്സരയോട്ടത്തെച്ചൊല്ലിയുണ്ടായ തർക്കത്തിനൊടുവിൽ യുവാവ് കുത്തേറ്റ് മരിച്ചു. കണ്ണറവിള സ്വദേശിയായ മനു ആണ് കൊല്ലപ്പെട്ടത്. ഞായറാഴ്ച രാത്രി പത്തരയോടെയാണ് നാടിനെ നടുക്കിയ ഈ ക്രൂര സംഭവം ഉണ്ടായത്.(Youth Stabbed To Death In Neyyattinkara Kanjiramkulam Following Dispute Over Bike Racing)
കൊലപാതകവുമായി ബന്ധപ്പെട്ട് പ്രായപൂർത്തിയാകാത്ത ഒരാൾ ഉൾപ്പെടെ നാലുപേരെ പോലീസ് കസ്റ്റഡിയിലെടുത്തു. മനുവിന്റെ വീടിന് മുന്നിലൂടെ സമീപവാസികളായ ചില യുവാക്കൾ ബൈക്കുകൾ അമിത വേഗതയിൽ ഓടിക്കുകയും വലിയ രീതിയിൽ ശബ്ദമുണ്ടാക്കുകയും ചെയ്തിരുന്നു.
ഇത് ചോദ്യം ചെയ്ത മനുവും യുവാക്കളും തമ്മിൽ വാക്കേറ്റമുണ്ടാകുകയും തുടർന്ന് തർക്കം കൈയാങ്കളിയിലേക്ക് നീങ്ങുകയുമായിരുന്നു. ഇതിനിടയിലാണ് പ്രതികൾ മനുവിനെ മാരകമായി കുത്തിപ്പരിക്കേൽപ്പിച്ചത്. കുത്തേറ്റ മനുവിനെ ഉടൻ തന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.
Story Summary
A youth named Manu was stabbed to death in Kanjiramkulam, Neyyattinkara, following an altercation over bike racing and loud exhaust noise in front of his house. The police have taken four persons, including a minor, into custody in connection with the murder that occurred on Sunday night.
