മലപ്പുറം: മങ്കട കൂട്ടിൽ നസീർ ഹുസൈൻ കൊലക്കേസിൽ അഞ്ച് പ്രതികൾ കുറ്റക്കാരാണെന്ന് മഞ്ചേരി സെഷൻസ് കോടതി കണ്ടെത്തി. മൂന്ന് പ്രതികളെ തെളിവുകളുടെ അഭാവത്തിൽ കോടതി വെറുതെ വിട്ടു.(Mankada moral murder, Court finds 5 accused guilty)
കോടതി കുറ്റക്കാരെന്ന് കണ്ടെത്തിയവർ ഷറഫുദ്ദീൻ, അബ്ദുൽ ഗഫൂർ, അബ്ദു നാസർ, സക്കീർ ഹുസൈൻ, മുഹമ്മദ് സുഹൈൽ എന്നിവരാണ്. 2016 ജൂൺ 28-നായിരുന്നു കേസിനാസ്പദമായ കൊലപാതകം.
നസീർ ഹുസൈൻ തന്റെ സുഹൃത്തായ യുവതിയുടെ വീട്ടിൽ എത്തിയതിനെത്തുടർന്ന് സദാചാര പൊലീസ് ചമഞ്ഞെത്തിയ സംഘം ക്രൂരമായി മർദ്ദിക്കുകയായിരുന്നു. മർദ്ദനമേറ്റ നസീർ പിന്നീട് മരണപ്പെട്ടു. കുറ്റക്കാരായ അഞ്ച് പ്രതികൾക്കുമുള്ള ശിക്ഷാ വിധി കോടതി നാളെ പ്രഖ്യാപിക്കും.
