ചെന്നൈ: ടിവിഎസ് അപ്പാച്ചെ ഉടമകൾക്കായി സംഘടിപ്പിച്ച ‘ടിവിഎസ് അപ്പാച്ചെ റേസിംഗ് എക്സ്പീരിയൻസ്’ (ARE) ജിപി ഇന്റർനാഷണൽ 2025-26 സീസൺ വിജയകരമായി സമാപിച്ചു (TVS ARE GP 2025-26 Results). ടിവിഎസ് റേസിങ്ങിന്റെ നാല് പതിറ്റാണ്ടിലധികം നീളുന്ന മോട്ടോർസ്പോർട്സ് പാരമ്പര്യത്തിന്റെ കരുത്തിൽ നടന്ന ആദ്യ അന്താരാഷ്ട്ര സീസണാണിത്. ചെന്നൈയിലെ മദ്രാസ് ഇന്റർനാഷണൽ സർക്യൂട്ടിൽ നടന്ന ഗ്രാൻഡ് ഫിനാലെയോടെയാണ് മത്സരങ്ങൾക്ക് തിരശ്ശീല വീണത്.
2025 ജൂൺ മുതൽ 2026 മാർച്ച് വരെ നീണ്ടുനിന്ന ഈ സീസണിൽ ഇന്ത്യക്ക് പുറമെ മെക്സിക്കോ, കൊളംബിയ, നേപ്പാൾ എന്നീ രാജ്യങ്ങളിലെ 20-ലധികം നഗരങ്ങളിൽ നിന്നുള്ള റൈഡർമാർ പങ്കെടുത്തു.1100-ലധികം ഉപഭോക്താക്കൾ പങ്കെടുത്ത സീസണിൽ 60 ഫൈനലിസ്റ്റുകളാണ് ഗ്രാന്റ് ഫിനാലെയിൽ മാറ്റുരച്ചത്.
ടിവിഎസ് റേസിംഗ് ചാമ്പ്യന്മാരുടെ കീഴിൽ ബ്രേക്കിംഗ് ടെക്നിക്കുകൾ, കോർണറിംഗ് പ്രിസിഷൻ, റേസ് ഡിസിപ്ലിൻ തുടങ്ങിയവയിൽ വിദഗ്ധ പരിശീലനം നൽകിയാണ് റൈഡർമാരെ മത്സരസജ്ജരാക്കിയത്.
അപ്പാച്ചെ RTR 160cc/180cc, RTR 200cc, RR 310cc എന്നീ കാറ്റഗറികളിലായിട്ടായിരുന്നു മത്സരങ്ങൾ. കൂടാതെ മാധ്യമപ്രവർത്തകർക്കായി പ്രത്യേക വനിതാ, പുരുഷ, എക്സ്പെർട്ട് വിഭാഗങ്ങളും ഇത്തവണ ഉൾപ്പെടുത്തിയിരുന്നു. മോട്ടോർസ്പോർട്സിനെ എല്ലാവരിലേക്കും എത്തിക്കുക എന്ന ലക്ഷ്യത്തോടെയാണ് ഈ വിഭാഗങ്ങൾ ക്രമീകരിച്ചത്.
വിജയികൾക്കുള്ള സമ്മാനങ്ങൾ:
സീസണിലെ ആദ്യ മൂന്ന് സ്ഥാനക്കാർക്ക് ആകർഷകമായ സമ്മാനങ്ങളാണ് ടിവിഎസ് റേസിങ് നൽകിയത്.
ഒന്നാം സ്ഥാനം: മോട്ടോ ജിപി (ഏഷ്യ) കാണാൻ എല്ലാ ചിലവുകളും ഉൾപ്പെട്ട യാത്ര, ടിവിഎസ് ഒഎംസി (RR 310) വൈൽഡ് കാർഡ് എൻട്രി, ടിവിഎസ് റേസിംഗ് ഫാക്ടറി സന്ദർശനം.
രണ്ടാം സ്ഥാനം: മോട്ടോ ജിപി (ഏഷ്യ) ടിക്കറ്റുകൾ, ഹോട്ടൽ താമസം, ടിവിഎസ് ഒഎംസി ഒന്നാം റൗണ്ടിലേക്ക് വൈൽഡ് കാർഡ് എൻട്രി.
മൂന്നാം സ്ഥാനം: മോട്ടോ ജിപി ടിക്കറ്റുകൾ, ഒഫീഷ്യൽ മെർച്ചൻഡൈസ്, ഫാക്ടറി സന്ദർശനം, ടിവിഎസ് മോട്ടോസോൾ പ്രവേശനം.
അടുത്ത തലമുറയിലെ റേസിംഗ് പ്രതിഭകളെ വളർത്തിയെടുക്കുന്നതിനൊപ്പം ഈ റേസിങ് സമൂഹത്തെ ആഗോളതലത്തിലേക്ക് എത്തിക്കുകയാണ് തങ്ങളുടെ ലക്ഷ്യമെന്ന് ടിവിഎസ് മോട്ടോർ കമ്പനി പ്രീമിയം ബിസിനസ് മേധാവി വിമൽ സംബ്ലി പറഞ്ഞു.
Story Summary:
TVS Racing has successfully concluded the first international season of the TVS Apache Racing Experience (ARE) GP 2025-26. The season, which ran from June 2025 to March 2026, saw participation from over 1,100 riders across India, Mexico, Colombia, and Nepal. The grand finale took place at the Madras International Circuit in Chennai. Top performers were rewarded with fully sponsored trips to watch MotoGP (Asia), wild card entries into the TVS OMC, and visits to the TVS Racing factory.
