ന്യൂഡൽഹി: അന്താരാഷ്ട്ര സയൻസ് ഒളിമ്പ്യാഡിൽ മികച്ച വിജയം കരസ്ഥമാക്കിയ ഇന്ത്യൻ വിദ്യാർത്ഥികളെ പ്രശംസിച്ച് പ്രധാനമന്ത്രി നരേന്ദ്ര മോദി. ഞായറാഴ്ച സംപ്രേക്ഷണം ചെയ്ത ‘മൻ കി ബാത്’ റേഡിയോ പരിപാടിയിലാണ് ശാസ്ത്ര രംഗത്ത് രാജ്യാന്തര തലത്തിൽ ഭാരതത്തിന്റെ പെരുമയുയർത്തിയ യുവതലമുറയെക്കുറിച്ച് പ്രധാനമന്ത്രി അഭിമാനം പ്രകടിപ്പിച്ചത്.(PM Modi Lauds Indian Students Performance At International Science Olympiads)
ഈ മാസം നടന്ന ഫിസിക്സ്, കെമിസ്ട്രി, ബയോളജി, മാത്തമാറ്റിക്സ് ഒളിമ്പ്യാഡുകളിൽ ഇന്ത്യൻ വിദ്യാർത്ഥികൾ മികച്ച പ്രകടനമാണ് കാഴ്ചവെച്ചത്. ഫിസിക്സ്, കെമിസ്ട്രി ഒളിമ്പ്യാഡുകളിൽ പങ്കെടുത്ത അഞ്ച് പേരും സ്വർണ്ണമെഡൽ കരസ്ഥമാക്കിയ ഇന്ത്യ ഒന്നാം സ്ഥാനം നേടി. കെമിസ്ട്രി ഒളിമ്പ്യാഡിൽ ഇന്ത്യയുടെ ചരിത്രത്തിലെ ഏറ്റവും മികച്ച പ്രകടനമാണിത്. ബയോളജിയിൽ സ്വർണ്ണമുൾപ്പെടെയുള്ള മെഡലുകളും മാത്തമാറ്റിക്സിൽ രണ്ട് സ്വർണ്ണവും നാല് വെള്ളിയും ഇന്ത്യൻ സംഘം സ്വന്തമാക്കി.
ഇതോടൊപ്പം ബീഹാറിലെ സീതാമർഹിയിൽ പ്ലാസ്റ്റിക് മാലിന്യങ്ങൾ ഉപയോഗിച്ച് ബെഞ്ചുകൾ നിർമ്മിക്കുന്ന സാങ്കേതികവിദ്യയെ ‘വേസ്റ്റ് ടു വെൽത്ത്’ പദ്ധതിയുടെ മാതൃകയായി അദ്ദേഹം ചൂണ്ടിക്കാട്ടി. ഒരു ബെഞ്ച് നിർമ്മിക്കാൻ ഏകദേശം 40 കിലോഗ്രാം സിംഗിൾ-യൂസ് പ്ലാസ്റ്റിക് ഉപയോഗിക്കുന്നുണ്ടെന്നും ഇത് പരിസ്ഥിതി സംരക്ഷണത്തിന് വലിയ പങ്ക് വഹിക്കുന്നുണ്ടെന്നും അദ്ദേഹം പറഞ്ഞു. കാർഗിൽ വിജയ് ദിവസ് ദിനത്തിൽ രാജ്യത്തിനായി ജീവൻ ബലി നൽകിയ ധീര സൈനികർക്ക് പ്രണാമമർപ്പിച്ച പ്രധാനമന്ത്രി, ഇന്ത്യ പ്രതിരോധ മേഖലയിൽ വലിയ ശക്തിയായി മാറിക്കൊണ്ടിരിക്കുകയാണെന്നും കൂട്ടിച്ചേർത്തു.
Story Summary
In his 136th episode of Mann Ki Baat, Prime Minister Narendra Modi lauded the exceptional performance of Indian students at the International Science Olympiads, where India won top honors in Physics, Chemistry, Biology, and Mathematics. PM Modi also highlighted an eco-friendly plastic recycling initiative in Bihar’s Sitamarhi and paid tribute to fallen soldiers on Kargil Vijay Diwas.
