നടൻ ധ്യാൻ ശ്രീനിവാസൻ അടുത്തിടെ നടത്തിയ പരാമർശം തമിഴ് സോഷ്യൽ മീഡിയയിൽ വലിയ ചർച്ചകൾക്കും വിമർശനങ്ങൾക്കും വഴിവെച്ചിരിക്കുകയാണ്. താൻ മുഖ്യമന്ത്രിയായാൽ നവ്യ നായർ സാരിയുടുത്ത് മുന്നിലുണ്ടാകണമെന്നായിരുന്നു വിജയ് – തൃഷ സംഭവത്തെ പരാമർശിച്ചുകൊണ്ട് ധ്യാൻ തമാശരൂപേണ പറഞ്ഞത് ( Dhyan Sreenivasan Controversy). ഈ പ്രസ്താവന തമിഴ്നാട്ടിൽ എത്തിയതോടെ വിജയ് ആരാധകർ ഉൾപ്പെടെയുള്ളവർ വലിയ വിമർശനവുമായി രംഗത്തെത്തി.
ധ്യാന്റെ വാക്കുകൾ തമിഴ് സംസ്കാരത്തെ അപമാനിക്കുന്നതാണെന്നും, തമിഴ് സിനിമാ താരങ്ങളെ ഇത്തരം തമാശകളിൽ വലിച്ചിഴയ്ക്കേണ്ടതില്ലെന്നും അഭിപ്രായപ്പെട്ട് നിരവധി പേരാണ് രംഗത്തെത്തിയത്. ചിലർ വളരെ രൂക്ഷമായ ഭാഷയിലാണ് വിമർശനങ്ങൾ രേഖപ്പെടുത്തിയത്. മലയാളികളെ തമിഴ്നാട് പ്രോത്സാഹിപ്പിക്കുന്നത് നിർത്തണമെന്നും, ധ്യാൻ തമിഴ്നാട്ടിലേക്ക് കാലുകുത്തേണ്ടെന്നും വരെ ചിലർ കമന്റ് ബോക്സിൽ കുറിച്ചു.
തമിഴ്നാട്ടിൽ നിന്നുള്ള കടുത്ത വിമർശനങ്ങൾ വന്നതോടെ, നടൻ അജു വർഗീസ് മുൻപ് തമാശയായി പറഞ്ഞ കാര്യങ്ങൾ ഓർമ്മിപ്പിക്കുകയാണ് മലയാളികൾ. ധ്യാൻ ഇനി തമിഴ്നാട്ടിൽ കാലുകുത്താൻ പറ്റില്ലെന്നും, അജു വർഗീസിന്റെ വാക്കുകൾ സത്യമായെന്നും ആരാധകർ കമന്റ് ചെയ്യുന്നു. ധ്യാന്റെ ശൈലി മനസ്സിലാക്കാതെയാണ് ഇത്രയധികം പ്രകോപനപരമായ പ്രതികരണങ്ങൾ ഉണ്ടാകുന്നതെന്നും, ഇത് വെറുമൊരു ഡെഡ്പാൻ ഹ്യൂമർ മാത്രമാണെന്നും പിന്തുണച്ച് മറുഭാഗത്ത് ആരാധകരും എത്തുന്നുണ്ട്. എന്തായാലും ധ്യാന്റെ ഈ തമാശ ദേശീയ മാധ്യമങ്ങളിൽ വരെ വാർത്തയാകുകയും തമിഴ്നാട്ടിൽ വലിയ ചർച്ചയാകുകയും ചെയ്തിരിക്കുകയാണ്.
Summary: Actor Dhyan Sreenivasan has sparked significant controversy in Tamil Nadu after making a lighthearted remark about actress Navya Nair appearing before him if he ever became Chief Minister, referencing the viral Vijay-Trisha incident. While the comment was intended as humor, it has drawn severe backlash and trolling from Vijay fans and social media users in Tamil Nadu, with many Malayalam fans humorously recalling actor Aju Varghese’s earlier warnings about Dhyan’s antics landing him in trouble.
