തിരുവനന്തപുരം: ചോദ്യപേപ്പർ മാറിയതിനെ തുടർന്ന് ലാസ്റ്റ് ഗ്രേഡ് സെർവന്റ്സ്, സ്റ്റോർമാൻ ഉൾപ്പെടെയുള്ള വിവിധ തസ്തികകളിലേക്ക് കേരള പി.എസ്.സി നടത്താനിരുന്ന പത്താം ക്ലാസ് യോഗ്യതയുള്ള പ്രാഥമിക പരീക്ഷ അവസാന നിമിഷം റദ്ദാക്കി. ശനിയാഴ്ച രാവിലെയും ഉച്ചയ്ക്ക് ശേഷവുമായി രണ്ട് ഘട്ടങ്ങളായാണ് പരീക്ഷ നിശ്ചയിച്ചിരുന്നത്.(Kerala PSC Cancels Tenth Level Preliminary Exam After Question Paper Mix Up In Alappuzha)
ഇതിൽ ഉച്ചയ്ക്ക് ശേഷം 1.30 മുതൽ 3.05 വരെ നടക്കേണ്ടിയിരുന്ന രണ്ടാം ഘട്ട പരീക്ഷയാണ് പി.എസ്.സി അടിയന്തരമായി റദ്ദാക്കിയത്. ഉച്ചയ്ക്ക് ശേഷം നൽകേണ്ടിയിരുന്ന ചോദ്യപേപ്പർ രാവിലെ നടന്ന ഒന്നാം ഘട്ട പരീക്ഷയുടെ സമയത്ത് മാറി വിതരണം ചെയ്തതാണ് കടുത്ത പ്രതിസന്ധിക്ക് കാരണമായത്.
ആലപ്പുഴയിലെ ഒരു പരീക്ഷാ കേന്ദ്രത്തിലാണ് ചോദ്യപേപ്പർ മാറി നൽകിയതെന്ന വിവരമാണ് ആദ്യം പുറത്തുവന്നത്. എന്നാൽ, തുടർന്ന് നടത്തിയ പരിശോധനയിൽ മറ്റ് ജില്ലകളിലും സമാനമായ രീതിയിൽ ചോദ്യപേപ്പർ മാറിപ്പോയതായും അതുവഴി ചോദ്യങ്ങൾ ചോർന്നതായും വ്യക്തമാകുകയായിരുന്നു. ഇതോടെ പരീക്ഷാ നടപടികളുടെ സുതാര്യത ഉറപ്പാക്കാൻ പരീക്ഷ പൂർണ്ണമായി റദ്ദാക്കാൻ പി.എസ്.സി നിർബന്ധിതരാവുകയായിരുന്നു. സാങ്കേതിക കാരണങ്ങളാലാണ് പരീക്ഷ റദ്ദാക്കിയതെന്നാണ് പി.എസ്.സിയുടെ ഔദ്യോഗിക വിശദീകരണം. റദ്ദാക്കിയ പരീക്ഷയുടെ പുതുക്കിയ തീയതി പിന്നീട് അറിയിക്കുമെന്നും പി.എസ്.സി വ്യക്തമാക്കിയിട്ടുണ്ട്.
Story Summary
The Kerala Public Service Commission (PSC) has cancelled the second phase of the 10th-level preliminary examination for posts like Last Grade Servants and Storeman due to a major question paper mix-up. The question paper scheduled for the afternoon session was mistakenly distributed during the morning session at a centre in Alappuzha, leading to a widespread leak across districts.
