ബെംഗളൂരു: കെംപെഗൗഡ അന്താരാഷ്ട്ര വിമാനത്താവളത്തിൽ നിന്ന് അഹമ്മദാബാദിലേക്ക് പുറപ്പെടാനിരുന്ന ഇൻഡിഗോ വിമാനത്തിൽ ബോംബ് ഭീഷണി. വ്യാഴാഴ്ച രാത്രി എട്ട് മണിക്ക് പുറപ്പെടേണ്ടിയിരുന്ന വിമാനത്തിലെ ശുചിമുറിയിലാണ് ഭീഷണി കുറിപ്പ് കണ്ടെത്തിയത്. “പോകരുത്, ബോംബ് ഉണ്ട്” എന്ന് കൈപ്പടയിൽ എഴുതിയ ഒരു കുറിപ്പാണ് വിമാനത്തിനുള്ളിൽ നിന്ന് കണ്ടെത്തിയത്.(Indigo flight bomb hoax, Indigo Bengaluru Ahmedabad Flight Bomb Threat Note Hoax)
വിമാനത്തിലെ സെക്യൂരിറ്റി മാനേജർ നൽകിയ പരാതിയെ തുടർന്ന് സുരക്ഷാ ഏജൻസികൾ ഉടൻ തന്നെ പരിശോധന ആരംഭിച്ചു. യാത്രക്കാരെ സുരക്ഷിതമായി പുറത്തിറക്കിയ ശേഷം രണ്ട് മണിക്കൂറിലധികം നീണ്ട വിശദമായ പരിശോധനയ്ക്കൊടുവിൽ ബോംബ് ഭീഷണി വ്യാജമാണെന്ന് സുരക്ഷാ ഉദ്യോഗസ്ഥരും പൊലീസും സ്ഥിരീകരിച്ചു. തുടർന്ന് വിമാനത്തിന് യാത്രാനുമതി നൽകി. വ്യാജ ഭീഷണി മുഴക്കി പരിഭ്രാന്തി സൃഷ്ടിച്ചവർക്കായി എയർപോർട്ട് പൊലീസ് അന്വേഷണം ആരംഭിച്ചിട്ടുണ്ട്.
Story Summary
A handwritten bomb threat note was found inside the washroom of an Ahmedabad-bound IndiGo flight at Bengaluru’s Kempegowda International Airport on Thursday night. Following a thorough two-hour search by security agencies, the threat was declared a hoax and the flight was cleared for departure.
