ടെൽ അവീവ്: ആവശ്യമായി വന്നാൽ ഇറാനെതിരെ വീണ്ടും ശക്തമായ സൈനിക നടപടി ആരംഭിക്കാൻ രാജ്യം സജ്ജമാണെന്ന് ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്സ്. മുൻപത്തേക്കാൾ ശക്തമായ തിരിച്ചടിയാകും ഇത്തവണ ഉണ്ടാകുകയെന്നും അദ്ദേഹം മുന്നറിയിപ്പ് നൽകി. ഒരു സൈനിക ചടങ്ങിൽ സംസാരിക്കവെയായിരുന്നു അദ്ദേഹത്തിന്റെ പരാമർശം.(Israel Iran war updates, Israel Warns Ready To Resume Military Action Against Iran With Greater Force)
അമേരിക്കയും ഇറാനും തമ്മിൽ മിഡിൽ ഈസ്റ്റിൽ വീണ്ടും വ്യോമാക്രമണങ്ങൾ ശക്തമായ പശ്ചാത്തലത്തിലാണ് ഇസ്രായേലിന്റെ ഈ നിർണായക നീക്കം. വ്യോമാധിപത്യം തിരിച്ചുപിടിക്കാനും ഇറാനിൽ നിന്നുള്ള ഭീഷണികൾ പൂർണ്ണമായും ഇല്ലാതാക്കാനും മൂന്നാമതൊരു അക്രമണത്തിന് പോലും സൈന്യം പൂർണ്ണ സജ്ജമാണെന്ന് ഇസ്രായേൽ കാറ്റ്സ് വ്യക്തമാക്കി. ഇസ്രായേലിന്റെ മുൻകാല സൈനിക നീക്കങ്ങൾ കാരണം ഇറാന്റെ ശക്തി ക്ഷയിച്ചിരിക്കുകയാണെന്ന് ഇതേ ചടങ്ങിൽ പങ്കെടുത്ത പ്രധാനമന്ത്രി ബെഞ്ചമിൻ നെതന്യാഹുവും അവകാശപ്പെട്ടു.
ഇസ്രായേൽ വ്യോമസേനയുടെ കരുത്ത് യെമൻ മുതൽ ഇറാൻ വരെ തെളിയിക്കപ്പെട്ടിട്ടുള്ളതാണെന്നും എന്നാൽ ഇപ്പോഴത്തെ പോരാട്ടം അവസാനിച്ചിട്ടില്ലെന്നും അദ്ദേഹം ഓർമ്മിപ്പിച്ചു.നേരത്തെ ഫെബ്രുവരി 28-ന് അമേരിക്കയും ഇസ്രായേലും സംയുക്തമായി നടത്തിയ വ്യോമാക്രമണത്തിൽ ഇറാന്റെ പരമോന്നത നേതാവ് ഉൾപ്പെടെയുള്ള പ്രമുഖർ കൊല്ലപ്പെട്ടിരുന്നു. ഇതിന് ശേഷം ഉണ്ടായ വെടിനിർത്തലും, ജൂണിൽ അമേരിക്കയും ഇറാനും തമ്മിലുണ്ടാക്കിയ സമാധാന കരാറും ലംഘിക്കപ്പെട്ടാണ് ഇപ്പോൾ മേഖലയിൽ വീണ്ടും യുദ്ധഭീതി ഉയർന്നിരിക്കുന്നത്.
Story Summary
Israeli Defense Minister Israel Katz has declared that the military is fully prepared to resume its offensive against Iran with even greater force if necessary. Prime Minister Benjamin Netanyahu added that while previous campaigns have weakened Iran, the conflict is far from over. This warning comes amid renewed hostilities and the collapse of recent ceasefires between the United States and Iran.
