ഇറാൻ മുൻ പരമോന്നത നേതാവ് അയത്തൊള്ള അലി ഖമനേനിയുടെ സംസ്കാര ചടങ്ങുകളുടെ ഭാഗമായി നടന്ന വിലാപയാത്ര ഇറാഖിലെ പുണ്യനഗരമായ നജഫിലെത്തി (Ali Khamenei Funeral procession Iraq). ഫെബ്രുവരി 28-ന് നടന്ന വ്യോമാക്രമണത്തിൽ കൊല്ലപ്പെട്ട ഖമനേനിയുടെ ഭൗതികശരീരം വഹിച്ചുകൊണ്ടുള്ള വിലാപയാത്ര ഇറാഖിലെ പ്രധാന ഷിയാ തീർത്ഥാടന കേന്ദ്രങ്ങളായ നജഫിലൂടെയും കർബലയിലൂടെയും കടന്നുപോയി. ലക്ഷക്കണക്കിന് ആളുകളാണ് വിലാപയാത്രയെ അനുഗമിച്ചത്.
ഖമനേനിയുടെ ചിത്രം വഹിച്ചുകൊണ്ട് ‘അമേരിക്ക തുലയട്ടെ’, ‘ഇസ്രായേൽ തുലയട്ടെ’ തുടങ്ങിയ മുദ്രാവാക്യങ്ങൾ മുഴക്കിയാണ് ജനങ്ങൾ വിലാപയാത്രയെ വരവേറ്റത്. ഇറാഖി, ഇറാനിയൻ പതാകകൾക്കൊപ്പം ഇറാൻ അനുകൂല മിലീഷ്യകളുടെ ബാനറുകളും വിലാപയാത്രയിൽ ഉയർന്നു. ഷിയാ മുസ്ലീങ്ങളുടെ വിശുദ്ധ കേന്ദ്രമായ ഇമാം അലി പള്ളി സ്ഥിതി ചെയ്യുന്ന നജഫിൽ വൻ സുരക്ഷാ സന്നാഹങ്ങളാണ് ഒരുക്കിയിരുന്നത്.ഇറാഖ് പ്രധാനമന്ത്രി അലി അൽ-സൈദി, മുതിർന്ന ഉദ്യോഗസ്ഥർ, മതനേതാക്കൾ എന്നിവർ നജഫ് വിമാനത്താവളത്തിൽ ഖമനേനിയുടെ ഭൗതികശരീരത്തെ ഔദ്യോഗികമായി ഏറ്റുവാങ്ങി. ഇറാൻ പ്രസിഡന്റ് മസൂദ് പെസെഷ്കിയാനും ഇസ്ലാമിക് റെവല്യൂഷണറി ഗാർഡ് കോർപ്സ് കമാൻഡർമാരും ചടങ്ങുകളിൽ പങ്കെടുക്കാൻ എത്തിയിരുന്നു. ഇറാഖിലെ ചടങ്ങുകൾക്ക് ശേഷം ഭൗതികശരീരം ഇറാനിലേക്ക് തിരികെ കൊണ്ടുപോകും. ജൂലൈ 9-ന് ജന്മസ്ഥലമായ മഷാദിലെ ഇമാം റിസ പള്ളിയിൽ വെച്ചായിരിക്കും ഖമനേനിയുടെ അന്തിമ സംസ്കാരം നടക്കുക.
Summary: The funeral procession for Iran’s late Supreme Leader Ayatollah Ali Khamenei has crossed into Iraq, with thousands of mourners gathering in the holy city of Najaf to pay their respects. After a days-long procession in Iran, the coffin was escorted through Iraqi streets accompanied by banners and anti-U.S. and anti-Israel chants. Following further rituals in Karbala, the body will be returned to Iran for final burial at the Imam Reza shrine in Mashhad on July 9, 2026.
