പുനെയിലെ ലോഹാഗഡ് കോട്ടയിൽ കാമുകനൊപ്പം ചേർന്ന് പ്രതിശ്രുത വരനെ കൊലപ്പെടുത്തിയ കേസിലെ പ്രതി സിയ ഗോയൽ വീണ്ടും വിവാദത്തിൽ. പോലീസ് തെളിവെടുപ്പിനായി മാർക്കറ്റ് യാർഡിലെ വീട്ടിലെത്തിച്ച സിയ, തിരികെ പോകുന്നതിനിടെ മാധ്യമപ്രവർത്തകർക്ക് നേരെ അശ്ലീല ആംഗ്യം കാണിച്ചത് വലിയ പ്രതിഷേധത്തിന് കാരണമായി (Siya Goyal Obscene Gesture). 17 സെക്കൻഡ് ദൈർഘ്യമുള്ള വീഡിയോ ദൃശ്യങ്ങളിൽ മാധ്യമങ്ങളെ നോക്കി സിയ നടുവിരൽ ഉയർത്തിക്കാട്ടുന്നത് വ്യക്തമാണ്. കുറ്റകൃത്യം നടത്തിയിട്ടും യാതൊരുവിധ പശ്ചാത്താപവുമില്ലാത്ത പ്രതിയുടെ പെരുമാറ്റത്തിനെതിരെ സമൂഹമാധ്യമങ്ങളിൽ കടുത്ത വിമർശനമാണ് ഉയരുന്നത്.
കഴിഞ്ഞ ജൂൺ 18-നാണ് സിയ ഗോയലും കാമുകൻ ചേതൻ ചൗധരിയും ചേർന്ന് സിയയുടെ പ്രതിശ്രുത വരനായ കേതൻ അഗർവാളിനെ ലോഹാഗഡ് കോട്ടയിലെ കൊക്കയിലേക്ക് തള്ളിയിട്ട് കൊലപ്പെടുത്തിയത്. ആദ്യം കേതൻ അബദ്ധത്തിൽ വീണതാണെന്നാണ് സിയ പോലീസിനോട് പറഞ്ഞത്. എന്നാൽ സിയയുടെ പെരുമാറ്റത്തിൽ സംശയം തോന്നിയ പോലീസ് നടത്തിയ വിശദമായ അന്വേഷണത്തിൽ കൊലപാതകത്തിന്റെ ചുരുളഴിയുകയായിരുന്നു. വിവാഹം തീരുമാനിച്ചതിന് ശേഷവും കാമുകനൊപ്പം ചേർന്ന് സിയ ആസൂത്രിതമായി കൊലപാതകം നടത്തുകയായിരുന്നുവെന്നാണ് പോലീസ് കണ്ടെത്തൽ.
നേരത്തെ ജൂൺ 14-നും സിയ കേതനെ ഇതേ കോട്ടയിലേക്ക് കൊണ്ടുപോയി കൊലപ്പെടുത്താൻ ശ്രമിച്ചിരുന്നു. അന്ന് കഷ്ടിച്ച് രക്ഷപ്പെട്ട കേതനെ, പിന്നീട് കാമുകനെയും കൂട്ടി വീണ്ടും കോട്ടയിൽ എത്തിച്ചാണ് ഇവർ കൊലപ്പെടുത്തിയത്. പ്രതികളെ ഇന്ന് വാഡ്ഗാവ് കോടതിയിൽ ഹാജരാക്കി കൂടുതൽ കസ്റ്റഡിയിൽ വാങ്ങാനാണ് പോലീസ് നീക്കം.
Summary: Siya Goyal, the prime accused in the murder of her fiancé Ketan Agarwal at Lohagad Fort, sparked outrage after showing an obscene gesture to media personnel while being escorted by police for investigation. Siya and her lover, Chetan Chaudhary, are accused of pushing Ketan into a valley on June 18 after a prior failed attempt, intending to eliminate him ahead of their scheduled wedding in November. The accused remain in police custody as authorities prepare to seek further remand in the Wadgaon Court.
