ന്യൂയോർക്ക് സിറ്റി ഫയർ ഡിപ്പാർട്ട്മെന്റിലെ (FDNY) ഒരു പ്രൊബേഷണറി ഫയർഫൈറ്റർ തന്റെ പരിശീലന ദിവസത്തെ അവിസ്മരണീയമായൊരു വിവാഹാഭ്യർത്ഥനയുടെ വേദിയാക്കി മാറ്റി. റാൻഡൽസ് ഐലൻഡ് ഫയർ അക്കാദമിയിൽ നടന്ന ‘ഫാമിലി ഡേ’ ആഘോഷത്തിനിടെയായിരുന്നു ജെയ്സൺ റാൽഫ് എന്ന ഉദ്യോഗസ്ഥൻ തന്റെ കാമുകി ഡാസിയ മൂറിനോട് വിവാഹാഭ്യർത്ഥന നടത്തിയത്. പരിശീലനത്തിന്റെ ഭാഗമായി നടക്കുന്ന ഒരു മാതൃകാ രക്ഷാപ്രവർത്തനത്തിൽ പങ്കെടുക്കാൻ ഡാസിയയെ ക്ഷണിച്ചുവരുത്തുകയായിരുന്നു ജെയ്സൺ. (FDNY Firefighter Proposal)
താൻ ഒരു മാതൃകാ രക്ഷാപ്രവർത്തനത്തിന്റെ ഭാഗമാകുകയാണെന്ന് കരുതി ഡാസിയ കെട്ടിടത്തിന്റെ ജനാലയ്ക്കൽ കാത്തിരുന്നു. കൃത്യസമയത്ത് ജെയ്സൺ പൂർണ്ണ സജ്ജീകരണങ്ങളോടെ കെട്ടിടത്തിന്റെ മുകളിൽ നിന്ന് താഴേക്ക് റോപ്പിലൂടെ ഇറങ്ങി വരികയും ഡാസിയയെ ‘രക്ഷപ്പെടുത്തുകയും’ ചെയ്തു. തൊട്ടുപിന്നാലെ മുട്ടുകുത്തി നിന്ന് മോതിരം നീട്ടി ജെയ്സൺ വിവാഹാഭ്യർത്ഥന നടത്തി. ഈ സമയം സഹപ്രവർത്തകർ ‘Marry me’ എന്ന് എഴുതിയ ബോർഡുകൾ ഉയർത്തിക്കാണിച്ച് ജെയ്സണിന് പിന്തുണയുമായി ഒപ്പമുണ്ടായിരുന്നു.
Proby Proposal™️
Probationary Firefighter Jayson Ralph got down on one knee on Saturday at Family Day. All-hands were clearly operating to help ask the question.
His now fiancée, Dasia Moore, said YES! Congrats, Proby! pic.twitter.com/WucxfT9Eub
— FDNY (@FDNY) June 29, 2026
ഈ സുന്ദര നിമിഷത്തിന്റെ ദൃശ്യങ്ങൾ FDNY തങ്ങളുടെ ഔദ്യോഗിക സോഷ്യൽ മീഡിയ അക്കൗണ്ടിലൂടെ പങ്കുവെച്ചു. “പ്രൊബേഷണറി ഫയർഫൈറ്റർ ജെയ്സൺ റാൽഫ് ശനിയാഴ്ച തന്റെ കാമുകിയോട് പ്രണയാഭ്യർത്ഥന നടത്തി. ഡാസിയ മൂർ ‘യെസ്’ പറഞ്ഞു! അഭിനന്ദനങ്ങൾ!” എന്ന അടിക്കുറിപ്പോടെയാണ് വീഡിയോ വൈറലായത്. വളരെ മനോഹരമായൊരു പ്രണയാഭ്യർത്ഥനയെന്നാണ് സോഷ്യൽ മീഡിയ ഒന്നടങ്കം അഭിപ്രായപ്പെട്ടത്. പരിശീലന പരിപാടികൾക്കിടയിൽ നടന്ന ഈ വ്യത്യസ്തമായ പ്രൊപ്പോസൽ ഏവരുടെയും ശ്രദ്ധയാകർഷിച്ചു.
Summary: New York City firefighter trainee Jayson Ralph staged a dramatic and romantic proposal for his girlfriend, Dasia Moore, during the FDNY’s annual Family Day. During a simulated rescue drill at the Randall’s Island Fire Academy, Jayson rappelled down a building and dropped to one knee to propose, while colleagues cheered him on with ‘Marry me’ signs. The heartwarming moment, shared on the department’s official social media, has since gone viral, drawing widespread congratulations from the public.
