ലണ്ടൻ: ഫുട്ബോൾ ലോകത്തെ റെക്കോർഡുകൾ തിരുത്തിക്കുറിച്ചുകൊണ്ട് ഇംഗ്ലണ്ട് ക്യാപ്റ്റൻ ഹാരി കെയ്ൻ പുതിയ ചരിത്രം സൃഷ്ടിച്ചു. 2025-26 സീസണിൽ 70 ഗോളുകൾ അടിച്ചുകൂട്ടിയാണ് താരം ഈ അപൂർവ്വ നേട്ടം സ്വന്തമാക്കിയത്. ഇതോടെ 21-ാം നൂറ്റാണ്ടിൽ ഒരു സീസണിൽ ഏറ്റവും കൂടുതൽ ഗോളുകൾ നേടുന്ന താരങ്ങളുടെ പട്ടികയിൽ ലയണൽ മെസ്സിക്ക് തൊട്ടുപിന്നിൽ രണ്ടാമതായി കെയ്ൻ ഇടംപിടിച്ചു (Harry Kane 70 Goals). ക്രിസ്റ്റ്യാനോ റൊണാൾഡോയുടെ റെക്കോർഡുകളെയാണ് കെയ്ൻ ഇതോടെ മറികടന്നത്.
ഫിഫ ലോകകപ്പ് 2026-ൽ പനാമയ്ക്കെതിരായ മത്സരത്തിലാണ് കെയ്ൻ തന്റെ 70-ാം ഗോൾ കണ്ടെത്തിയത്. ഇതോടെ ലോകകപ്പിൽ ഏറ്റവും കൂടുതൽ ഗോളുകൾ നേടുന്ന ഇംഗ്ലണ്ട് താരമെന്ന റെക്കോർഡും കെയ്ൻ സ്വന്തമാക്കി. നേരത്തെ ഗാരി ലിനെക്കറുടെ പേരിലായിരുന്ന 10 ഗോളുകളുടെ റെക്കോർഡാണ് 11 ഗോളുകളോടെ കെയ്ൻ പഴങ്കഥയാക്കിയത്. കൂടാതെ, ഇംഗ്ലണ്ടിനായി പ്രധാന അന്താരാഷ്ട്ര ടൂർണമെന്റുകളിൽ 18 ഗോളുകൾ എന്ന നേട്ടവും താരം കുറിച്ചു. 2011-12 സീസണിൽ 82 ഗോളുകൾ നേടിയ ലയണൽ മെസ്സി മാത്രമാണ് ഇപ്പോൾ കെയ്നിന് മുന്നിലുള്ളത്.
ഗ്രൂപ്പ് എൽ-ൽ ഏഴ് പോയിന്റുമായി ഒന്നാം സ്ഥാനക്കാരായാണ് ഇംഗ്ലണ്ട് നോക്കൗട്ട് ഘട്ടത്തിലേക്ക് പ്രവേശിച്ചത്. ക്രോയേഷ്യക്കെതിരെ 4-2 ന് ജയിച്ചും, ഘാനയുമായി ഗോൾരഹിത സമനിലയിൽ പിരിഞ്ഞും, അവസാന മത്സരത്തിൽ പനാമയെ 2-0 ന് പരാജയപ്പെടുത്തിയുമാണ് ഇംഗ്ലണ്ട് മികച്ച പ്രകടനം കാഴ്ചവെച്ചത്. തോമസ് ടുക്കലിന്റെ കീഴിൽ കളിക്കുന്ന ഇംഗ്ലീഷ് ടീം 2006, 2022 വർഷങ്ങളിലെ തങ്ങളുടെ മികച്ച ഗ്രൂപ്പ് സ്റ്റേജ് പ്രകടനം ഇത്തവണയും ആവർത്തിച്ചു. പനാമയ്ക്കെതിരായ മത്സരത്തിൽ ജൂഡ് ബെല്ലിങ്ഹാമിന്റെ ഗോളിന് വഴിയൊരുക്കിയ ശേഷമായിരുന്നു കെയ്ൻ ഹെഡറിലൂടെ ചരിത്രഗോളിലേക്ക് എത്തിയത്.
Summary: England captain Harry Kane has made history by scoring 70 goals in the 2025-26 season, surpassing Cristiano Ronaldo to become the second-highest goalscorer in a single season in the 21st century, trailing only Lionel Messi. Kane reached this milestone during England’s 2-0 victory over Panama in the ongoing FIFA World Cup 2026. With this goal, he also became England’s all-time leading scorer in FIFA World Cup history with 11 goals, surpassing Gary Lineker. England topped Group L and advanced to the knockout stages under manager Thomas Tuchel.
