തിരുവനന്തപുരം: സംസ്ഥാനത്തെ പ്ലസ് വൺ പ്രവേശനത്തിനായുള്ള മുഖ്യഘട്ടത്തിലെ മൂന്നാമത്തേതും അവസാനത്തേതുമായ അലോട്ട്മെന്റ് ഫലം പ്രസിദ്ധീകരിച്ചു. വിദ്യാർത്ഥികൾക്ക് ഔദ്യോഗിക വെബ്സൈറ്റായ hscap.kerala.gov.in സന്ദർശിച്ച് കാൻഡിഡേറ്റ് ലോഗിനിലെ ‘Third Allot Results’ എന്ന ലിങ്ക് വഴി ഫലം പരിശോധിക്കാവുന്നതാണ് (Plus One Admission 2026). അലോട്ട്മെന്റ് ലഭിച്ച വിദ്യാർത്ഥികൾ ജൂൺ 29 രാവിലെ 11 മുതൽ പ്രവേശനം നേടണം. ജൂലൈ മൂന്നിന് വൈകിട്ട് അഞ്ചു മണിയോടെ പ്രവേശന നടപടികൾ പൂർത്തിയാകും.
വിദ്യാർത്ഥികൾ ശ്രദ്ധിക്കേണ്ട പ്രധാന വിവരങ്ങൾ:
പ്രവേശനം നിർബന്ധം: അലോട്ട്മെന്റ് ലഭിച്ചിട്ടും പ്രവേശനം നേടാതിരിക്കുന്ന വിദ്യാർത്ഥികളെ തുടർന്നു വരുന്ന അലോട്ട്മെന്റുകളിൽ പരിഗണിക്കുന്നതല്ല. താൽക്കാലിക പ്രവേശനം നേടിയ വിദ്യാർത്ഥികൾക്ക് ഹയർ ഓപ്ഷൻ നിലനിർത്താൻ ഇനി അവസരമില്ലാത്തതിനാൽ, ലഭിച്ച സീറ്റിൽ ഫീസടച്ച് സ്ഥിരപ്രവേശനം നേടേണ്ടതാണ്.
രേഖകൾ: അഡ്മിഷൻ സമയത്ത് അലോട്ട്മെന്റ് ലെറ്ററിന്റെ പ്രിന്റൗട്ട് നിർബന്ധമാണ്. ഇതിന്റെ ഒന്നാമത്തെ പേജിൽ നിർദ്ദിഷ്ട രേഖകളുടെ വിവരങ്ങളും രണ്ടാം ഭാഷയും രേഖപ്പെടുത്തി വിദ്യാർത്ഥിയും രക്ഷിതാവും ഒപ്പിടണം. യോഗ്യതാ സർട്ടിഫിക്കറ്റ്, വിടുതൽ സർട്ടിഫിക്കറ്റ് (TC), സ്വഭാവ സർട്ടിഫിക്കറ്റ് എന്നിവയുടെ അസ്സൽ ഹാജരാക്കണം.
ക്വാട്ടകൾ: ഒന്നിലധികം ക്വാട്ടകളിൽ അർഹതയുള്ളവർ തങ്ങൾക്ക് ഏറ്റവും അനുയോജ്യമായത് തിരഞ്ഞെടുക്കണം. ഒരു ക്വാട്ടയിൽ പ്രവേശനം നേടിയാൽ പിന്നീട് അത് മാറ്റാൻ സാധിക്കില്ല.
സപ്ലിമെന്ററി അലോട്ട്മെന്റ്: ഇതുവരെയും അലോട്ട്മെന്റ് ലഭിക്കാത്ത വിദ്യാർത്ഥികൾ സപ്ലിമെന്ററി അലോട്ട്മെന്റിനായി അപേക്ഷ പുതുക്കി നൽകേണ്ടതാണ്.
അപേക്ഷകർക്ക് വെബ്സൈറ്റിലൂടെ തങ്ങൾ അപേക്ഷിച്ച സ്കൂളുകളിലെ കാറ്റഗറി തിരിച്ചുള്ള അവസാന റാങ്ക് വിവരങ്ങൾ പരിശോധിക്കാവുന്നതാണ്. പ്രവേശന സമയത്ത് സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സ്വീകരിക്കും.
Summary: The Kerala Department of Higher Secondary Education has published the third and final allotment result for Plus One admissions. Candidates can check their results on the official portal, hscap.kerala.gov.in, via the candidate login. Admitted students must secure their seats between June 29 and July 3, 2026.
