പാരിസ്: ഫ്രാൻസിലെ നാൻസിക്ക് സമീപം ടോംബ്ലെയ്നിലുണ്ടായ വിമാനാപകടത്തിൽ 11 പേർ ദാരുണമായി കൊല്ലപ്പെട്ടു. സ്കൈഡൈവിങ് സംഘം സഞ്ചരിച്ചിരുന്ന ചെറുവിമാനമാണ് ഞായറാഴ്ച രാവിലെ 11 മണിയോടെ തകർന്നു വീണത്. അഞ്ച് സ്കൈഡൈവിങ് പരിശീലനാർത്ഥികളും അഞ്ച് പരിശീലകരും ഒരു പൈലറ്റുമാണ് മരിച്ചവരിൽ ഉൾപ്പെടുന്നത്. (Skydiving Team Plane Crash France)
റോഡരികിലെ പുൽപ്രദേശത്താണ് വിമാനം പതിച്ചത്. സമീപത്ത് ജനവാസ കേന്ദ്രങ്ങൾ ഉണ്ടായിരുന്നെങ്കിലും വൻദുരന്തം തലനാരിഴയ്ക്ക് ഒഴിവായതായാണ് റിപ്പോർട്ടുകൾ സൂചിപ്പിക്കുന്നത്. അപകടത്തെത്തുടർന്ന് അടിയന്തര സേവന വിഭാഗങ്ങളും പോലീസും സ്ഥലത്തെത്തി രക്ഷാപ്രവർത്തനങ്ങൾ ഊർജ്ജിതമാക്കി. സാൽവഡോർ അലൻഡെ സ്ട്രീറ്റിലേക്കുള്ള പ്രവേശനം പോലീസ് കർശനമായി തടഞ്ഞു.
വിമാനം തകരാനുണ്ടായ കാരണം സംബന്ധിച്ച് ഇതുവരെ വ്യക്തത ലഭിച്ചിട്ടില്ല. പ്രോസിക്യൂട്ടർ ഓഫീസും പോലീസും മെഡിക്കൽ വിഭാഗവും സംയുക്തമായി സംഭവത്തിൽ വിശദമായ അന്വേഷണം ആരംഭിച്ചിട്ടുണ്ട്. അടിയന്തര വാഹനങ്ങൾക്ക് തടസ്സമില്ലാതെ സഞ്ചരിക്കാൻ പൊതുജനങ്ങൾ അപകടസ്ഥലത്തേക്ക് പ്രവേശിക്കരുതെന്ന് അധികൃതർ നിർദ്ദേശിച്ചു.
Summary: A tragic plane crash near Nancy in Tomblaine, France, has resulted in the death of 11 people. The light aircraft, carrying a skydiving team including five trainees, five instructors, and the pilot, crashed into a field near a road on Sunday morning. While the crash site was near residential areas, a major catastrophe was averted. Emergency services and local authorities have cordoned off the area, and an investigation led by the prosecutor’s office has been launched to determine the cause of the accident
