ചെന്നൈ: സൂപ്പർസ്റ്റാർ രജനീകാന്തിന്റെ പുതിയ ചിത്രമായ ‘ധർമ്മൻ’ സിനിമയുടെ ഫസ്റ്റ് ലുക്ക് പോസ്റ്റർ പുറത്തുവന്നതിന് പിന്നാലെ സോഷ്യൽ മീഡിയയിൽ വലിയ ചർച്ചകളും വിമർശനങ്ങളും ഉയർന്നിരുന്നു (Rajinikanth Dharman movie). പോസ്റ്ററിലുള്ളത് രജനീകാന്തിന്റെ യഥാർത്ഥ ചിത്രമല്ലെന്നും അത് എ.ഐ (AI) സാങ്കേതികവിദ്യ ഉപയോഗിച്ച് നിർമ്മിച്ചതാണെന്നുമായിരുന്നു പ്രധാന ആക്ഷേപം. ചില ട്രോളന്മാർ ഒരുപടി കൂടി കടന്ന്, യുവനടൻ പ്രദീപ് രംഗനാഥന്റെ ഉടലിൽ രജനീകാന്തിന്റെ തല വെട്ടി ഒട്ടിച്ചതാണെന്ന് വരെ പ്രചരിപ്പിച്ചു.
ഇപ്പോഴിതാ ഇത്തരം വ്യാജ പ്രചരണങ്ങൾക്കും ട്രോളന്മാർക്കും ദൃശ്യങ്ങൾ സഹിതം കൃത്യമായ മറുപടി നൽകിയിരിക്കുകയാണ് നിർമ്മാതാക്കളായ രാജ്കമൽ ഫിലിംസ് ഇന്റർനാഷണൽ. ഫസ്റ്റ് ലുക്കിനായി നടത്തിയ പ്രത്യേക ഫോട്ടോഷൂട്ടിന്റെ മേക്കിംഗ് വീഡിയോ (Making Video) പുറത്തുവിട്ടാണ് അണിയറപ്രവർത്തകർ വിമർശകരുടെ വായടപ്പിച്ചത്. പോസ്റ്ററിൽ കാണുന്ന അതേ സ്റ്റൈലിഷ് ലുക്കിലും സ്വാഗിലും ക്യാമറയ്ക്ക് മുന്നിൽ രജനീകാന്ത് മാസ് ആയി പോസ് ചെയ്യുന്നത് വീഡിയോയിൽ വ്യക്തമായി കാണാം.
‘ദി ഡെഡ്ലി ഡോക്ടർ’ (The Deadly Doctor) എന്ന ടാഗ്ലൈനോടെയെത്തുന്ന ഈ ചിത്രത്തിൽ കരിയറിലെ തന്നെ വേറിട്ടൊരു ഡോക്ടർ വേഷത്തിലാണ് രജനീകാന്ത് പ്രത്യക്ഷപ്പെടുന്നത്. ‘ഡ്രാഗൺ’ എന്ന ചിത്രത്തിലൂടെ ശ്രദ്ധേയനായ അശ്വത് മാരിമുത്തുവാണ് ധർമ്മൻ സംവിധാനം ചെയ്യുന്നത്. അനിരുദ്ധ് രവിചന്ദർ സംഗീതമൊരുക്കുന്ന ചിത്രത്തിൽ സിമ്രാനാണ് നായികയായി എത്തുന്നത്.
നേരത്തെ കെ.എസ്. രവികുമാർ, സുന്ദർ സി, സിബി ചക്രവർത്തി എന്നീ പ്രമുഖ സംവിധായകരെ ഈ പ്രോജക്ടിനായി സമീപിച്ചിരുന്നെങ്കിലും തിരക്കഥയിലുണ്ടായ ചില മാറ്റങ്ങൾ കാരണം പിന്നീട് അശ്വത് മാരിമുത്തുവിനെ സംവിധാന ചുമതല ഏൽപ്പിക്കുകയായിരുന്നു. രജനീകാന്തിന്റെ കരിയറിലെ 173-ാമത് ചിത്രമായ ‘ധർമ്മൻ’ 2027 പൊങ്കൽ റിലീസായി തിയേറ്ററുകളിൽ എത്തിക്കാനാണ് ലക്ഷ്യമിടുന്നത്. ഉലകനായകൻ കമൽഹാസന്റെ രാജ് കമൽ ഫിലിംസ് ഇന്റർനാഷണലും റെഡ് ജയന്റ് മൂവീസും ചേർന്നാണ് ഈ ബിഗ് ബജറ്റ് ചിത്രം നിർമ്മിക്കുന്നത്.
Story Summary:
Production house Rajkamal Films has shut down rumors functions that Rajinikanth’s first look poster for ‘Dharman’ was AI-generated or photoshopped, by releasing the official photoshoot making video. The film, directed by Ashwath Marimuthu, is slated for a Pongal 2027 release.
