ലോകകപ്പ് ഫുട്ബോൾ ഗ്രൂപ്പ് സിയിലെ സ്കോട്ട്ലാൻഡിനെതിരായ നിർണ്ണായക മത്സരത്തിന് ബ്രസീൽ സൂപ്പർതാരം നെയ്മർ ജിആർ തിരിച്ചെത്തുന്നു. കാൽമുട്ടിനേറ്റ പരിക്കുമൂലം ടൂർണമെന്റിലെ ആദ്യ രണ്ട് മത്സരങ്ങളിൽ നിന്ന് വിട്ടുനിന്ന താരം, പരിശീലന സെഷനുകളിൽ പങ്കെടുത്തതിന്റെ ചിത്രങ്ങൾ സാമൂഹിക മാധ്യമങ്ങളിൽ പങ്കുവെച്ചതോടെയാണ് മടങ്ങിവരവ് ഉറപ്പായത് (Scotland Vs Brazil). “നന്ദി ദൈവമേ, വളരെ സന്തോഷം!” എന്ന കുറിപ്പോടെയാണ് നെയ്മർ തന്റെ പരിശീലന ചിത്രങ്ങൾ ആരാധകർക്കായി പങ്കുവെച്ചത്.
മൊറോക്കോയ്ക്കെതിരായ സമനിലയ്ക്കും ഹെയ്തിക്കെതിരായ തകർപ്പൻ വിജയത്തിനും ശേഷം പരിശീലകൻ കാർലോ ആൻസലോട്ടി നെയ്മറിന്റെ തിരിച്ചുവരവിനെക്കുറിച്ച് നേരത്തെ തന്നെ സൂചനകൾ നൽകിയിരുന്നു. ഹെയ്തിക്കെതിരായ മത്സരത്തിൽ ടീം ഫിലാഡൽഫിയയിലേക്ക് യാത്ര ചെയ്തപ്പോൾ, നെയ്മർ ന്യൂജേഴ്സിയിലെ ബ്രസീൽ ക്യാമ്പിൽ തന്റെ വ്യക്തിഗത പുനരധിവാസ പരിപാടികൾ തുടരുകയായിരുന്നു. നിലവിൽ ടീമിനൊപ്പം പരിശീലനം തുടങ്ങിയ താരം സ്കോട്ട്ലാൻഡിനെതിരായ മത്സരത്തിൽ കളിക്കുമെന്ന് ആൻസലോട്ടി വ്യക്തമാക്കി.
2023 ഒക്ടോബറിൽ യുറുഗ്വായ്ക്കെതിരായ മത്സരത്തിൽ എസിഎൽ (ACL) പരിക്ക് പറ്റിയതിന് ശേഷമുള്ള നെയ്മറിന്റെ ആദ്യ രാജ്യാന്തര മത്സരമായിരിക്കും ഇത്. നാലാമത്തെ ലോകകപ്പിൽ കളിക്കുന്ന നെയ്മർക്ക്, സ്കോട്ട്ലാൻഡിനെതിരായ മത്സരം തന്റെ കരിയറിലെ മറ്റൊരു നാഴികക്കല്ല് കൂടിയാണ്. നെയ്മറിന്റെ തിരിച്ചുവരവ് ടീമിന്റെ ആക്രമണനിരയ്ക്ക് കൂടുതൽ കരുത്ത് പകരുമെന്നും നോക്ക്ഔട്ട് ഘട്ടത്തിലേക്ക് കടക്കാൻ ഇത് ബ്രസീലിനെ സഹായിക്കുമെന്നുമാണ് ആരാധകരുടെ പ്രതീക്ഷ.
Summary: Brazil’s star player Neymar Jr. is set to return for the crucial Group C FIFA World Cup 2026 clash against Scotland after recovering from a calf injury. After missing the opening matches against Morocco and Haiti, Neymar resumed team training, with manager Carlo Ancelotti confirming his availability for the upcoming game. This marks Neymar’s first international appearance since his ACL injury in October 2023, providing a significant boost to Brazil’s knockout qualification hopes.
