വാഷിംഗ്ടൺ: എട്ടു വർഷത്തിന് ശേഷം അമേരിക്ക തങ്ങളുടെ പ്രധാന സൈനിക കമാൻഡിന്റെ പേര് വീണ്ടും മാറ്റിയിരിക്കുന്നു. ‘യുഎസ് ഇന്തോ-പസഫിക് കമാൻഡ്’ (USINDOPACOM) എന്ന പേര് മാറ്റി പഴയ പേരായ ‘യുഎസ് പസഫിക് കമാൻഡ്’ (USPACOM) എന്നാക്കി തിരിച്ചുകൊണ്ടുവന്നു (Indo-Pacific Command Rename). 2018-ൽ ഡോണൾഡ് ട്രംപിന്റെ ആദ്യ ഭരണകാലത്താണ് പസഫിക് കമാൻഡ് എന്ന പേര് ഇന്തോ-പസഫിക് കമാൻഡ് എന്നാക്കി മാറ്റിയത്. 1947-ൽ സ്ഥാപിതമായതു മുതൽ 70 വർഷത്തിലേറെയായി ഉപയോഗിച്ചിരുന്ന പഴയ പേര് അതിന്റെ ചരിത്രപരമായ പ്രാധാന്യം കണക്കിലെടുത്താണ് തിരികെ കൊണ്ടുവരുന്നതെന്ന് യുഎസ് പ്രതിരോധ വകുപ്പ് അറിയിച്ചു.
ഈ മാറ്റം ഇന്ത്യയിൽ വലിയ രാഷ്ട്രീയ ചർച്ചകൾക്ക് തുടക്കമിട്ടിരിക്കുകയാണ്. “ക്വാഡ് സഖ്യത്തിന്റെ ശവപ്പെട്ടിയിലെ അവസാനത്തെ ആണി” എന്നായിരുന്നു കോൺഗ്രസ് എംപി ശശി തരൂർ ഈ സംഭവത്തെ വിശേഷിപ്പിച്ചത്. അമേരിക്കയുടെ ഇന്തോ-പസഫിക് നയത്തിലെ മാറ്റത്തെയാണോ ഇത് സൂചിപ്പിക്കുന്നതെന്ന ആശങ്ക പല കോണുകളിൽ നിന്നും ഉയരുന്നുണ്ട്. എന്നാൽ, കമാൻഡിന്റെ പേര് മാത്രമാണ് മാറിയതെന്നും അതിന്റെ പ്രവർത്തനമേഖലയോ ഉത്തരവാദിത്തങ്ങളോ മാറിയിട്ടില്ലെന്നും യുഎസ് അധികൃതർ വ്യക്തമാക്കി. അമേരിക്കയുടെ പടിഞ്ഞാറൻ തീരം മുതൽ ഇന്ത്യയുടെ പടിഞ്ഞാറൻ അതിർത്തി വരെ നീളുന്ന കമാൻഡിന്റെ അധികാരപരിധിയിൽ യാതൊരു മാറ്റവുമില്ലെന്ന് അവർ ഉറപ്പുനൽകി.
Summary: United States has renamed the U.S. Indo-Pacific Command back to the U.S. Pacific Command, reversing a 2018 strategic branding change. While U.S. officials state the move is intended to honor the command’s 70-year historical legacy and does not alter its operational scope, the decision has sparked concerns in India, with leaders like Shashi Tharoor questioning if it signals a diminished U.S. commitment to the Indo-Pacific strategy and the Quad grouping.
