റിപ്പോർട്ട്: അൻവർ ഷാരിഫ്
മലപ്പുറം: കൊണ്ടോട്ടി പുളിക്കൽ പെരിയമ്പലത്ത് ടൂറിസ്റ്റ് ട്രാവലറും ലോറിയും കൂട്ടിയിടിച്ച് ഉണ്ടായ ദാരുണമായ വാഹനാപകടത്തിൽ രണ്ടുപേർ മരണപ്പെട്ടു (Pulikkal Periyambalam Road Accident). കണ്ണൂരിലെ കൊട്ടിയൂർ ക്ഷേത്രത്തിലേക്ക് ദർശനത്തിനായി പോയ തീർത്ഥാടകർ സഞ്ചരിച്ച വാഹനമാണ് പെരിയമ്പലത്ത് വെച്ച് അപകടത്തിൽപ്പെട്ടത്. അപകടത്തിൽ ട്രാവലർ ഡ്രൈവർ രാജേഷ് (31), വാഹനത്തിലുണ്ടായിരുന്ന യാത്രക്കാരി രമണി (60) എന്നിവരാണ് മരണപ്പെട്ടത്. പാലക്കാട് സ്വദേശികളായ തീർത്ഥാടകരാണ് വാഹനത്തിലുണ്ടായിരുന്നതെന്നാണ് ലഭ്യമാകുന്ന പ്രാഥമിക വിവരങ്ങൾ.
അപകടത്തെത്തുടർന്ന് വാഹനത്തിൽ കുടുങ്ങിക്കിടന്നവരെ കോഴിക്കോട് മീഞ്ചന്തയിൽ നിന്നും എത്തിയ ഫയർഫോഴ്സ് സംഘവും പ്രാദേശിക നിവാസികളും ചേർന്നാണ് പുറത്തെടുത്തത്. അപകടത്തിൽ പരിക്കേറ്റ 15 ഓളം പേരെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ഇവർ നിലവിൽ അവിടെ തീവ്രപരിചരണ വിഭാഗത്തിൽ ചികിത്സയിലാണ്. പുലർച്ചെയുണ്ടായ അപകടത്തിൽ ട്രാവലറിന്റെ മുൻഭാഗം പൂർണ്ണമായും തകർന്ന നിലയിലായിരുന്നു. സംഭവത്തിൽ കൊണ്ടോട്ടി പോലീസ് സ്ഥലത്തെത്തി തുടർനടപടികൾ സ്വീകരിച്ചു.
Summary: Two people were killed and 15 others injured when a tourist traveller carrying pilgrims collided with a lorry at Pulikkal Periyambalam near Kondotty in Malappuram. The deceased have been identified as traveller driver Rajesh (31) and passenger Ramani (60), both natives of Palakkad. The accident occurred while they were on a pilgrimage to the Kottiyoor temple in Kannur. The injured were rescued by the Meenchantha Fire Force and local residents,
