റോം: റോമിൽ നടന്ന ഡയമണ്ട് ലീഗ് അത്ലറ്റിക്സ് മീറ്റിൽ ജാവലിൻ ത്രോയിൽ ചരിത്ര പ്രകടനവുമായി ശ്രീലങ്കൻ താരം റുമേഷ് തരംഗ പതിരഗെ (Rumesh Tharanga Pathirage). മത്സരത്തിൽ 92.62 മീറ്റർ ദൂരം കണ്ടെത്തിയ പതിരഗെ, 90 മീറ്റർ കടമ്പ മറികടക്കുന്ന ചരിത്രത്തിലെ ആദ്യ ശ്രീലങ്കൻ താരമെന്ന റെക്കോർഡ് സ്വന്തമാക്കി. ഈ സീസണിൽ (2026) ലോകത്ത് ഒരു അത്ലറ്റ് കുറിക്കുന്ന ഏറ്റവും മികച്ച ദൂരമാണിത്. ഇതോടെ ജാവലിൻ ത്രോയിലെ ലോക എക്കാലത്തെയും മികച്ച പ്രകടനക്കാരുടെ പട്ടികയിൽ എട്ടാം സ്ഥാനത്തേക്കും, ഏഷ്യൻ അത്ലറ്റുകളുടെ ചരിത്രത്തിൽ രണ്ടാമത്തെ മികച്ച സ്ഥാനത്തേക്കും പതിരഗെ എത്തി.
ഇരുപത് വർഷങ്ങൾക്ക് മുൻപ് ആൻഡ്രിയാസ് തോർകിൽഡ്സൺ സ്ഥാപിച്ച 90.34 മീറ്ററിന്റെ മീറ്റ് റെക്കോർഡും താരം തിരുത്തിക്കുറിച്ചു. തായ്പേയിയുടെ ചെങ് ചാവോ-സുൻ, ഇന്ത്യയുടെ മുൻ ഒളിമ്പിക് ചാമ്പ്യൻ നീരജ് ചോപ്ര, പാകിസ്ഥാന്റെ അർഷാദ് നദീം എന്നിവർക്ക് ശേഷം 90 മീറ്റർ പിന്നിടുന്ന നാലാമത്തെ ഏഷ്യൻ താരമാണ് പതിരഗെ. അതേസമയം, റോം ഡയമണ്ട് ലീഗിൽ ആദ്യമായി മാറ്റുരച്ച ഇന്ത്യയുടെ സച്ചിൻ യാദവിന് നിരാശാജനകമായ തുടക്കമാണ് ലഭിച്ചത്. 10 പേർ പങ്കെടുത്ത മത്സരത്തിൽ 79.18 മീറ്റർ മാത്രം എറിഞ്ഞ് എട്ടാം സ്ഥാനത്താണ് സച്ചിൻ ഫിനിഷ് ചെയ്തത്.
കഴിഞ്ഞ വർഷം ടോക്കിയോയിൽ നടന്ന ലോക അത്ലറ്റിക്സ് ചാമ്പ്യൻഷിപ്പിൽ 86.27 മീറ്റർ എന്ന വ്യക്തിഗത മികച്ച ദൂരത്തോടെ നാലാം സ്ഥാനം നേടിയിരുന്ന സച്ചിൻ യാദവിന്റെ ആദ്യ അന്താരാഷ്ട്ര ഡയമണ്ട് ലീഗ് വേദിയായിരുന്നു ഇത്. ടോക്കിയോയിൽ എട്ടാം സ്ഥാനത്തേക്ക് പിന്തള്ളപ്പെട്ട നീരജ് ചോപ്രയേക്കാൾ മികച്ച പ്രകടനമായിരുന്നു അന്ന് സച്ചിൻ പുറത്തെടുത്തിരുന്നത്. എന്നാൽ റോമിലെ കഠിനമായ മത്സരത്തിൽ ഒളിമ്പിക് ജേതാക്കളായ ജൂലിയസ് യെഗോയ്ക്കും യാക്കൂബ് വാഡ്ലിച്ചിനും ഇടയിലാണ് സച്ചിന് സ്ഥാനം കണ്ടെത്താനായത്.
Summary: Sri Lanka’s Rumesh Tharanga Pathirage created history at the Rome Diamond League by becoming the first Sri Lankan, and the first athlete in 2026, to break the 90m barrier in javelin throw with a massive 92.62m effort. Shattering a 20-year-old meeting record, he climbed to eighth on the world all-time list and became the second-best Asian thrower in history. Meanwhile, India’s Sachin Yadav had a disappointing Diamond League debut in Rome, finishing eighth with a best throw of 79.18m in a highly competitive 10-man field.
