ന്യൂഡൽഹി: റാം ചരൺ, ജാൻവി കപൂർ എന്നിവർ പ്രധാന വേഷങ്ങളിലെത്തി ജൂൺ 4-ന് തിയേറ്ററുകളിൽ റിലീസ് ചെയ്ത ‘പെഡ്ഡി’ എന്ന ചിത്രത്തിനെതിരെ സോഷ്യൽ മീഡിയയിൽ കടുത്ത വിമർശനം ( Janhvi Kapoor Peddi Film Criticism). ഇന്ത്യൻ സിനിമയിൽ ഒരു നായികാനടിക്ക് നൽകിയ ഏറ്റവും ചെലവേറിയ അപമാനമാണ് ഈ ചിത്രമെന്ന് വിമർശിക്കുന്ന ഇൻസ്റ്റാഗ്രാം പോസ്റ്റ് നടി ജാൻവി കപൂർ തന്നെ ലൈക്ക് ചെയ്തതിന്റെ സ്ക്രീൻഷോട്ടുകൾ വൈറലായതോടെയാണ് വിവാദം ശക്തമായത്. ചിത്രത്തിൽ ജാൻവി അവതരിപ്പിച്ച ‘അച്ചിയമ്മ’ എന്ന കഥാപാത്രത്തെ പൂർണ്ണമായും ലൈംഗികവൽക്കരിക്കുകയും വസ്തുവൽക്കരിക്കുകയും ചെയ്തുവെന്നാണ് പ്രധാന ആക്ഷേപം. നായകന് വലിയ സാമൂഹിക-രാഷ്ട്രീയ പ്രാധാന്യമുള്ള കഥാപാത്രം നൽകുമ്പോൾ, നായികയ്ക്ക് വെറും ഗ്ലാമർ പ്രകടനം മാത്രമാണ് സംവിധായകൻ നൽകിയിരിക്കുന്നതെന്ന് പോസ്റ്റിൽ വിമർശിക്കുന്നു.
സിനിമയുടെ പോസ്റ്റ് പ്രൊഡക്ഷൻ വേളയിൽ ഇത്തരം മോശം രംഗങ്ങൾക്കെതിരെ ജാൻവി കപൂർ ശക്തമായി പ്രതികരിച്ചിട്ടും, നടിയുടെ സമ്മതമില്ലാതെ സംവിധായകൻ ബോക്സ് ഓഫീസ് കളക്ഷൻ മാത്രം ലക്ഷ്യമിട്ട് ആ രംഗങ്ങൾ ഫൈനൽ എഡിറ്റിൽ നിലനിർത്തുകയായിരുന്നുവെന്നും ആരോപണമുണ്ട്. ചിത്രത്തിലെ പ്രണയരംഗങ്ങളിൽ സ്ത്രീസമ്മതത്തിന് യാതൊരു വിലയും നൽകിയിട്ടില്ലെന്നും നായകന്റെ പ്രവർത്തികൾ അതിക്രമത്തിന് തുല്യമാണെന്നും പ്രേക്ഷകർ ചൂണ്ടിക്കാണിക്കുന്നു. ജാൻവി പോസ്റ്റ് ലൈക്ക് ചെയ്തത് വലിയ ചർച്ചയായതോടെ നിലവിൽ ഈ ‘ലൈക്ക്’ പോസ്റ്റിൽ നിന്ന് അപ്രത്യക്ഷമായിട്ടുണ്ട്. ചിത്രത്തെക്കുറിച്ചുള്ള മാധ്യമ അവലോകനങ്ങളിലും ജാൻവിയുടെ കഥാപാത്രത്തെ മോശമായി ചിത്രീകരിച്ചതിനെതിരെ കടുത്ത വിമർശനങ്ങളാണ് ഉയരുന്നത്.
Summary: The newly released sports drama Peddi, starring Ram Charan and Janhvi Kapoor, has sparked intense online backlash for the objectification and poor handling of its female lead, Achiyamma. The controversy deepened after viral screenshots allegedly showed Janhvi Kapoor liking an Instagram post that labeled the film “the most expensive disrespect ever paid to a leading woman in Indian cinema.” The post slammed the director for ignoring Kapoor’s post-production objections to oversexualized shots and criticized the movie’s consent-free romantic track, though the actress’s “like” is no longer visible.
