തിരുവനന്തപുരം: ബലിപെരുന്നാൾ പ്രമാണിച്ച് സംസ്ഥാനത്ത് മെയ് 28-ന് കൂടി പൊതുഅവധി പ്രഖ്യാപിച്ച് സർക്കാർ ഉത്തരവിറക്കി. നേരത്തെ കലണ്ടർ പ്രകാരം മെയ് 27-നായിരുന്നു പെരുന്നാൾ അവധി നിശ്ചയിച്ചിരുന്നത്. എന്നാൽ മാസപ്പിറവി കാണാത്തതിനെ തുടർന്ന് ഇത്തവണ കേരളത്തിൽ മെയ് 28-നാണ് ബലിപെരുന്നാൾ ആഘോഷിക്കുന്നത്.(Bakrid Holiday Kerala, Kerala Government Declares Two Day Public Holiday For Bakrid May 28)
ഈ സാഹചര്യത്തിലാണ് പെരുന്നാൾ ദിനമായ 28-ന് കൂടി അവധി നൽകാൻ തീരുമാനമായത്. മുൻപ് നിശ്ചയിച്ച 27-ലെ അവധി റദ്ദാക്കാതെയാണ് 28-ന് കൂടി സർക്കാർ അധിക അവധി അനുവദിച്ചത്.
ഇതോടെ സംസ്ഥാനത്ത് തുടർച്ചയായ രണ്ട് ദിവസങ്ങളിൽ ബലിപെരുന്നാൾ അവധി ലഭിക്കും. ബാങ്കുകൾ ഉൾപ്പെടെയുള്ള എല്ലാ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും ഈ രണ്ട് ദിവസത്തെ പൊതുഅവധി ബാധകമായിരിക്കും. ഇത് പെരുന്നാൾ ആഘോഷങ്ങൾക്കായി നാട്ടിലേക്ക് യാത്ര ചെയ്യുന്നവർക്കും സർക്കാർ ജീവനക്കാർക്കും വലിയ ആശ്വാസമാകും.
Story Summary
The Kerala government has declared an additional public holiday on May 28 for Bakrid (Bali Perunnal) as the moon was not sighted, shifting the festival date. Since the previously scheduled holiday on May 27 remains unchanged, the state will enjoy a consecutive two-day public holiday applicable to all government offices, educational institutions, and banks.
