ഗൂഗിൾ സെർച്ചിന്റെ ചരിത്രത്തിലെ കഴിഞ്ഞ 25 വർഷത്തിനിടയിലെ ഏറ്റവും വലിയ അപ്ഗ്രേഡ് പ്രഖ്യാപിച്ച് ഗൂഗിൾ വൈസ് പ്രസിഡന്റ് എലിസബത്ത് റീഡ് ( Google Search AI Upgrade Gemini 3.5 Flash). ഗൂഗിൾ ഐ/ഓ (I/O 2026) കോൺഫറൻസിലാണ് സെർച്ച് എഞ്ചിനെ പൂർണ്ണമായും എഐ കേന്ദ്രീകൃതമായി പുനർനിർമ്മിച്ച വിവരങ്ങൾ പുറത്തുവിട്ടത്. ഇതിന്റെ ഭാഗമായി ഉപയോക്താക്കൾക്ക് കൂടുതൽ കൃത്യതയാർന്നതും വേഗതയേറിയതുമായ സേവനം നൽകാൻ ‘ജെമിനി 3.5 ഫ്ലാഷ്’ (Gemini 3.5 Flash) മോഡൽ സെർച്ച് എഞ്ചിന്റെ ഡിഫോൾട്ട് എഐ മോഡലായി ആഗോളതലത്തിൽ ലഭ്യമാക്കി തുടങ്ങി. അവതരിപ്പിച്ച് വെറും ഒരു വർഷത്തിനുള്ളിൽ ഗൂഗിളിന്റെ ‘എഐ മോഡ്’ പ്രതിമാസം 100 കോടിയിലധികം ഉപയോക്താക്കളെന്ന നാഴികക്കല്ല് പിന്നിട്ടതായും കമ്പനി വ്യക്തമാക്കി.
ഇനി മുതൽ ഗൂഗിൾ സെർച്ച് ബോക്സ് വെറുമൊരു ടെക്സ്റ്റ് ടൈപ്പിംഗ് ബാർ ആയിരിക്കില്ല, മറിച്ച് അത് ഉപയോക്താവിന്റെ ആവശ്യാനുസരണം വലുപ്പം മാറുന്നതും ചിത്രങ്ങൾ, ഫയലുകൾ, വീഡിയോകൾ, ക്രോം ടാബുകൾ എന്നിവ ഇൻപുട്ടായി സ്വീകരിക്കുന്നതുമായ ഒരു സ്മാർട്ട് ബോക്സായി മാറും. ഇതിനൊപ്പം അവതരിപ്പിച്ച ‘സെർച്ച് ഏജന്റുകൾ’ (Search agents) ഉപയോക്താക്കൾക്കായി പശ്ചാത്തലത്തിൽ 24 മണിക്കൂറും പ്രവർത്തിച്ച് വിവരങ്ങൾ ശേഖരിക്കും. ഉദാഹരണത്തിന്, നമ്മൾ ആഗ്രഹിക്കുന്ന തരം ഒരു വാടക വീടോ ഫ്ലാറ്റോ ഓൺലൈനിൽ ലഭ്യമാകുമ്പോൾ ഈ ഏജന്റുകൾ തനിയെ കണ്ടെത്തി നോട്ടിഫിക്കേഷൻ നൽകും. കൂടാതെ പ്രാദേശികമായി ഹോട്ടലുകളോ മറ്റ് സേവനങ്ങളോ ബുക്ക് ചെയ്യാനും എഐ ഏജന്റുകൾ സഹായിക്കും. ഈ വർഷം പകുതിയോടെ ഗൂഗിൾ എഐ പ്രോ, അൾട്രാ വരിക്കാർക്ക് ഈ സേവനം ലഭ്യമായിത്തുടങ്ങും.
ആന്റിഗ്രാവിറ്റി കോഡിംഗും പേഴ്സണൽ ഇന്റലിജൻസും: പുതിയ ഗൂഗിൾ ആന്റിഗ്രാവിറ്റി (Google Antigravity) സാങ്കേതികവിദ്യ വഴി ഉപയോക്താക്കളുടെ ചോദ്യങ്ങൾക്ക് തത്സമയം ഇന്ററാക്ടീവ് ഗ്രാഫുകളോ, ട്രാക്കറുകളോ, മിനി ആപ്പുകളോ കോഡ് ചെയ്ത് നൽകാൻ സെർച്ചിന് സാധിക്കും. ജിമെയിൽ, ഗൂഗിൾ ഫോട്ടോസ്, കലണ്ടർ എന്നിവ സുരക്ഷിതമായി സെർച്ചുമായി ബന്ധിപ്പിക്കുന്ന ‘പേഴ്സണൽ ഇന്റലിജൻസ്’ (Personal Intelligence) സൗകര്യം ഇനി വരിക്കാരാകാത്തവർക്കും 98 ഭാഷകളിൽ ലഭ്യമാകും.
Summary: Google has announced its biggest Search upgrade in over 25 years at the I/O 2026 event, integrating its advanced Gemini 3.5 Flash model as the default framework for AI Mode globally. VP of Search, Elizabeth Reid, revealed that AI Mode has crossed 1 billion monthly users within its first year. The hallmark of this update is a completely reimagined intelligent Search box that dynamically expands and accepts multimodal inputs like text, images, files, and Chrome tabs.
