കൊച്ചി: അന്താരാഷ്ട്ര യാത്രക്കാർക്ക് കൂടുതൽ സൗകര്യപ്രദവും ലാഭകരവുമായ കണക്ടിവിറ്റി ഉറപ്പാക്കാൻ പുത്തൻ അന്താരാഷ്ട്ര റോമിങ് പദ്ധതികളുമായി രാജ്യത്തെ മുൻനിര ടെലികോം സേവനദാതാക്കളായ വോഡഫോൺ ഐഡിയ (Vi international roaming plans 2026). പോസ്റ്റ്പെയ്ഡ് ഉപഭോക്താക്കൾക്കായി 7 ദിവസം, 14 ദിവസം, 21 ദിവസം എന്നിങ്ങനെ വ്യത്യസ്ത കാലാവധികളുള്ള പ്രത്യേക അൺലിമിറ്റഡ് പ്ലാനുകളാണ് വി പുതുതായി വിപണിയിലിറക്കിയത്. പരിധിയില്ലാത്ത ഡാറ്റാ ഉപയോഗം ഉൾപ്പെടെ യാത്രകളിൽ തടസ്സമില്ലാതെ കണക്ടഡ് ആയിരിക്കാൻ സഹായിക്കുന്ന 17 മികച്ച സവിശേഷതകളാണ് ഈ പാക്കേജുകളിൽ ഉൾപ്പെടുത്തിയിരിക്കുന്നത്.
ഒരു ദിവസത്തെ ഹ്രസ്വ സന്ദർശനം മുതൽ ഒരു മാസം വരെയുള്ള ദീർഘദൂര യാത്രകൾക്ക് അനുയോജ്യമായ വിവിധ പ്ലാനുകൾ ഇതിലൂടെ ഉപഭോക്താക്കൾക്ക് തിരഞ്ഞെടുക്കാം.
വിദേശയാത്രകളുടെ ദൈർഘ്യം കണക്കിലെടുത്ത് വി ആപ്പിലൂടെ വളരെ എളുപ്പത്തിൽ ആക്ടിവേറ്റ് ചെയ്യാവുന്ന നിരക്കുകൾ താഴെ പറയുന്നവയാണ്:
ഒരു ദിവസത്തെ പ്ലാൻ (749 രൂപ): ചുരുങ്ങിയ ചിലവിൽ 40 രാജ്യങ്ങളിൽ പരിധിയില്ലാത്ത ആനുകൂല്യങ്ങളും, 120 രാജ്യങ്ങളിൽ പരിമിതമായ ആനുകൂല്യങ്ങളോടെയും ഒരു ദിവസത്തേക്ക് വിദേശത്ത് കണക്ടിവിറ്റി ലഭിക്കും.
അൺലിമിറ്റഡ് ഡാറ്റാ പ്ലാനുകൾ: ഒരു ദിവസം, 7 ദിവസം, 10 ദിവസം, 14 ദിവസം, 21 ദിവസം എന്നീ കാലാവധികളിൽ അൺലിമിറ്റഡ് ഡാറ്റയും വോയ്സ് കോളുകളും നൽകുന്ന വിവിധ പാക്കേജുകൾ ലഭ്യമാണ്.
30 ദിവസത്തെ പ്ലാൻ: ദീർഘകാലത്തേക്ക് വിദേശത്ത് തങ്ങുന്നവർക്കായി 3999 രൂപ, 5999 രൂപ നിരക്കുകളിലാണ് 30 ദിവസത്തെ പ്ലാനുകൾ അവതരിപ്പിച്ചിരിക്കുന്നത്.
ആഗോള കണക്ടിവിറ്റി ഇനി ലളിതം
അന്താരാഷ്ട്ര യാത്രക്കാരുടെ ആവശ്യങ്ങൾ മാറിക്കൊണ്ടിരിക്കുന്ന സാഹചര്യത്തിലാണ് വിയുടെ പുതിയ നീക്കമെന്ന് ചീഫ് മാർക്കറ്റിംഗ് ഓഫീസർ അവനീഷ് ഖോസ്ല പറഞ്ഞു. വിയുടെ സൗകര്യപ്രദമായ പോസ്റ്റ്പെയ്ഡ് പദ്ധതികൾ ആഗോള കണക്ടിവിറ്റി കൂടുതൽ ലളിതമാക്കുമെന്നും ഉപഭോക്താക്കളുടെ ആവശ്യങ്ങൾക്ക് അനുസൃതമായ പ്ലാനുകൾ തിരഞ്ഞെടുക്കാനുള്ള പൂർണ്ണ സ്വാതന്ത്ര്യം ഇത് നൽകുമെന്നും അദ്ദേഹം കൂട്ടിച്ചേർത്തു. വിയുടെ ഔദ്യോഗിക മൊബൈൽ ആപ്ലിക്കേഷൻ വഴി ഉപഭോക്താക്കൾക്ക് തത്സമയം ഈ ഇന്റർനാഷണൽ റോമിങ് പ്ലാനുകൾ സ്വന്തമാക്കാവുന്നതാണ്.
Story Summary: Telecom operator Vi (Vodafone Idea) has launched new international roaming postpaid packs with validity options of 7, 14, and 21 days. Offering unlimited data and voice calls across various price tiers including a 1-day pack at ₹749 and 30-day packs up to ₹5999, the plans aim to simplify global connectivity via the Vi app.
