ഇസ്ലാമാബാദ്: പശ്ചിമേഷ്യയിൽ ഇറാനുമായുള്ള സംഘർഷസാധ്യത നിലനിൽക്കുന്ന പശ്ചാത്തലത്തിൽ സൗദി അറേബ്യയ്ക്ക് ശക്തമായ സൈനിക പിന്തുണയുമായി പാകിസ്ഥാൻ (Pakistan troops deployment Saudi Arabia). ഇതിന്റെ ഭാഗമായി എണ്ണണ്ണായിരത്തോളം (8,000) വരുന്ന സായുധ സൈനികരെയും അത്യാധുനിക യുദ്ധവിമാനങ്ങളെയും പാകിസ്ഥാൻ സൗദിയിലേക്ക് അയച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
സൗദി അറേബ്യയുടെ അതിർത്തികൾ കൂടുതൽ സുരക്ഷിതമാക്കുന്നതിനായി തങ്ങളുടെ വ്യോമ പ്രതിരോധ സംവിധാനങ്ങളും (Air Defence Systems) ഡ്രോണുകളും പാകിസ്ഥാൻ കൈമാറിയിട്ടുണ്ട്.
ഇരുരാജ്യങ്ങളും തമ്മിൽ നിലവിലുള്ള തന്ത്രപ്രധാനമായ സുരക്ഷാ സഹകരണം വർദ്ധിപ്പിക്കുന്നതിന്റെ ഭാഗമായാണ് ഈ അടിയന്തര വിന്യാസം. സൗദി അറേബ്യയ്ക്ക് ആവശ്യമായ ആണവ സുരക്ഷാ കവചം (Nuclear Security Umbrella) ഉൾപ്പെടെയുള്ള വിപുലമായ സൈനിക പിന്തുണ ഉറപ്പാക്കുന്നതാണ് പുതിയ പ്രതിരോധ കരാർ. വരും ദിവസങ്ങളിൽ മേഖലയിലെ സുരക്ഷ ശക്തമാക്കുന്നതിനായി കൂടുതൽ നാവിക കപ്പലുകളെയും അധിക സൈനികരെയും വിന്യസിക്കാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു.
ലക്ഷ്യം അമേരിക്ക-ഇറാൻ മധ്യസ്ഥതയോ?
സൗദിക്ക് സൈനിക സുരക്ഷ ഒരുക്കുന്നതിനൊപ്പം തന്നെ, മേഖലയിലെ സമാധാന അന്തരീക്ഷം വീണ്ടെടുക്കാൻ അമേരിക്കയ്ക്കും ഇറാനും ഇടയിൽ ഒരു മധ്യസ്ഥനായി (Mediator) പ്രവർത്തിക്കാനും പാകിസ്ഥാൻ പദ്ധതിയിടുന്നതായാണ് നയതന്ത്ര വിദഗ്ദ്ധരുടെ വിലയിരുത്തൽ. ഗൾഫ് മേഖലയിൽ യുദ്ധസാഹചര്യം ഒഴിവാക്കാനും നയതന്ത്ര ചർച്ചകൾക്ക് വഴിതുറക്കാനും പാകിസ്ഥാന്റെ ഈ പുതിയ നീക്കം കാരണമായേക്കും.
Story Summary: Amid rising tensions with Iran, Pakistan has deployed 8,000 troops, fighter jets, air defence systems, and drones to Saudi Arabia to secure its borders. According to international media, the defense agreement also ensures a strategic nuclear security umbrella for Saudi Arabia. Experts believe Pakistan’s move is also aimed at playing a mediator’s role between the US and Iran to defuse Middle East tensions.
