തിരുവനന്തപുരം: പുതിയ യു.ഡി.എഫ് സർക്കാരിന്റെ സത്യപ്രതിജ്ഞാ വേദിയിൽ തിരുവനന്തപുരം സെൻട്രൽ സ്റ്റേഡിയത്തെയാകെ വൈകാരികമാക്കിയ മഒരു കാഴ്ചയ്ക്ക് കൂടി തലസ്ഥാനം സാക്ഷിയായി. വി.ഡി. സതീശൻ സംസ്ഥാനത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്യുന്നത് നേരിട്ട് കാണാനും അനുഗ്രഹിക്കാനും രണ്ട് ആഗ്രഹങ്ങളുമായാണ് പറവൂർ സ്വദേശിനിയായ അമ്മാളു അമ്മ എന്ന സീതാലക്ഷ്മി അമ്മാൾ തിരുവനന്തപുരത്ത് എത്തിയത്. ഒടുവിൽ ആഗ്രഹസാഫല്യത്തിന്റെ അതിയായ സന്തോഷവുമായാണ് ഈ അമ്മ പറവൂരിലേക്ക് മടങ്ങുന്നത്.(Paravur Ammalu Amma Embraces Kerala CM VD Satheesan Rahul Gandhi At Oath Ceremony Stage)
മുഖ്യമന്ത്രി വി.ഡി. സതീശൻ ഇവർക്ക് വെറുമൊരു ജനപ്രതിനിധിയല്ല, സ്വന്തം മകനെപ്പോലെ തന്നെയാണ്. സത്യപ്രതിജ്ഞാ ചടങ്ങിൽ പങ്കെടുക്കാനെത്തിയ അമ്മാളു അമ്മയോട് വി.ഡി. സതീശൻ മകനെപ്പോലെയാണോ എന്ന മാധ്യമപ്രവർത്തകരുടെ ചോദ്യത്തിന്, മകൻ തന്നെയാണ് എന്നായിരുന്നു ആ അമ്മയുടെ മറുപടി.
പ്രളയകാലത്ത് ചേർത്തുപിടിച്ച വി.ഡി. സതീശനെ കാണാനാണ് അവരെത്തിയത്. വി.ഡി. സതീശന്റെ ചിത്രവുമുയർത്തി അമ്മാളു അമ്മ നിന്നിരുന്നു. ഇത് ശ്രദ്ധയിൽപ്പെട്ട മുഖ്യമന്ത്രിയുടെ സ്റ്റാഫ് ഇടപെട്ട് അമ്മാളു അമ്മയെ വേദിയിലേക്ക് കൂട്ടിക്കൊണ്ടുവരികയായിരുന്നു.
Story Summary
An elderly woman named Ammalu Amma (Seethalakshmi Ammal) from Paravur, who considers CM VD Satheesan as her own son, traveled to Thiruvananthapuram to witness his oath ceremony. Spotted by the CM’s staff, she was brought onto the stage where she embraced both Satheesan and Rahul Gandhi.
