മോസ്കോ: ഒരു വർഷത്തിനിടെ മോസ്കോ ലക്ഷ്യമാക്കി യുക്രെയ്ൻ നടത്തിയ ഏറ്റവും വലിയ ഡ്രോൺ ആക്രമണത്തിൽ ഒരു ഇന്ത്യൻ തൊഴിലാളി ഉൾപ്പെടെ നാല് പേർ കൊല്ലപ്പെട്ടു (Indian Worker Killed Moscow Drone Attack). റഷ്യൻ തലസ്ഥാനമായ മോസ്കോയ്ക്ക് ചുറ്റുമുള്ള പ്രദേശങ്ങളിലാണ് ആക്രമണമുണ്ടായത്. കെട്ടിട അവശിഷ്ടങ്ങൾക്കിടയിൽ പെട്ട് ഒരു സ്ത്രീയും പൊഗോറെൽകി ഗ്രാമത്തിൽ രണ്ട് പുരുഷന്മാരും കൊല്ലപ്പെട്ടതിന് പുറമെയാണ് റഷ്യയിൽ ജോലി ചെയ്തിരുന്ന ഇന്ത്യൻ സ്വദേശിയും ആക്രമണത്തിൽ മരണപ്പെട്ടത്. ആക്രമണത്തിൽ മറ്റ് മൂന്ന് ഇന്ത്യൻ പൗരന്മാർക്ക് പരിക്കേറ്റതായും മോസ്കോയിലെ ഇന്ത്യൻ എംബസി സ്ഥിരീകരിച്ചു.
കഴിഞ്ഞ അർദ്ധരാത്രിക്ക് ശേഷം മോസ്കോ ലക്ഷ്യമാക്കി വന്ന 81 ഡ്രോണുകൾ റഷ്യൻ വ്യോമപ്രതിരോധ സേന വെടിവെച്ചിട്ടതായി റഷ്യൻ വാർത്താ ഏജൻസിയായ ടാസ് (TASS) റിപ്പോർട്ട് ചെയ്തു. മോസ്കോയിലെ ഒരു എണ്ണശുദ്ധീകരണ ശാലയ്ക്ക് സമീപം ഉണ്ടായ ആക്രമണത്തിൽ പന്ത്രണ്ടോളം പേർക്ക് പരിക്കേറ്റിട്ടുണ്ട്. റഷ്യൻ പ്രദേശങ്ങളിലെ എണ്ണശുദ്ധീകരണ ശാലകളും എണ്ണ പമ്പിങ് സ്റ്റേഷനുകളും ലക്ഷ്യമിട്ടാണ് സൈന്യം ആക്രമണം നടത്തിയതെന്ന് യുക്രെയ്ൻ സുരക്ഷാ സേനയും വ്യക്തമാക്കി. റഷ്യയിലുടനീളം രാത്രിയിലുണ്ടായ 556 ഡ്രോണുകൾ തകർത്തതായി റഷ്യൻ പ്രതിരോധ മന്ത്രാലയം അവകാശപ്പെടുമ്പോൾ, തങ്ങൾക്കെതിരെ റഷ്യ തൊടുത്ത 287 ഡ്രോണുകളിൽ 279 എണ്ണവും വെടിവെച്ചിട്ടതായി യുക്രെയ്ൻ വ്യോമസേനയും അറിയിച്ചു.
Summary: An Indian worker was among four people killed after Ukraine launched its largest drone attack on the Moscow region in over a year. The Indian Embassy confirmed the casualty, adding that three other Indian nationals were injured in the strikes. Russian air defenses reportedly shot down 81 drones heading toward Moscow and a total of 556 across the country. Ukraine’s security service (SBU) claimed responsibility for targeting Russian oil refineries and military infrastructure to reduce the enemy’s war capabilities.
