കോഴിക്കോട്: യു.ഡി.എഫ് സർക്കാരിന്റെ സത്യപ്രതിജ്ഞയ്ക്ക് മണിക്കൂറുകൾ മാത്രം ബാക്കിനിൽക്കെ വി.ഡി. സതീശൻ മന്ത്രിസഭയിലെ മുസ്ലീം ലീഗ് മന്ത്രിമാരുടെ കാര്യത്തിൽ ഔദ്യോഗിക തീരുമാനമായി. പാർട്ടിക്കുള്ളിലും അണികൾക്കിടയിലും വിമർശനം ശക്തമായതിനെ തുടർന്ന് മുതിർന്ന നേതാവ് പി.കെ. ബഷീറിനെ അവസാന നിമിഷം ലീഗ് മന്ത്രിപ്പട്ടികയിൽ ഉൾപ്പെടുത്തിയിട്ടുണ്ട്. പി.കെ. കുഞ്ഞാലിക്കുട്ടി, കെ.എം. ഷാജി, എൻ. ഷംസുദ്ദീൻ, പി.കെ. ബഷീർ, വി.ഇ. അബ്ദുൾ ഗഫൂർ എന്നിവരാണ് പുതിയ മന്ത്രിസഭയിലെ ലീഗ് പ്രതിനിധികൾ.(IUML finalizes cabinet ministers list for vd satheesan government in kerala)
1. പി.കെ. കുഞ്ഞാലിക്കുട്ടി
മുസ്ലീം ലീഗിന്റെ മുതിർന്ന നേതാവായ പി.കെ. കുഞ്ഞാലിക്കുട്ടി വേങ്ങര മണ്ഡലത്തിൽ നിന്നുള്ള എം.എ.എയാണ്. മുൻപ് വ്യവസായം, ഐ.ടി തുടങ്ങി സുപ്രധാന വകുപ്പുകൾ വിജയകരമായി കൈകാര്യം ചെയ്തിട്ടുള്ള ഇദ്ദേഹത്തിന് ഇത്തവണയും സമാനമായ ഭാരമേറിയ വകുപ്പുകൾ തന്നെ ലഭിക്കുമെന്നാണ് സൂചന. മുൻപ് ലോക്സഭാംഗമായും ഇദ്ദേഹം പ്രവർത്തിച്ചിട്ടുണ്ട്.
2. കെ.എം. ഷാജി
കെ.എം. ഷാജിയുടെ നിയമസഭയിലേക്കുള്ള മൂന്നാം വരവാണിത്. മുൻപ് കണ്ണൂരിലെ അഴീക്കോട് മണ്ഡലത്തിൽ നിന്ന് രണ്ട് തവണ നിയമസഭയിലെത്തി ശ്രദ്ധേയനായ ഷാജി, യൂത്ത് ലീഗിന്റെ മുൻ സംസ്ഥാന അധ്യക്ഷൻ കൂടിയാണ്.
3. എൻ. ഷംസുദ്ദീൻ
പാലക്കാട് ജില്ലയിലെ മണ്ണാർക്കാട് മണ്ഡലത്തിൽ നിന്ന് തുടർച്ചയായ നാലാം തവണയാണ് എൻ. ഷംസുദ്ദീൻ നിയമസഭയിലേക്ക് തിരഞ്ഞെടുക്കപ്പെടുന്നത്. പാർലമെന്ററി കാര്യങ്ങളിൽ അഗാധമായ അറിവുള്ള ഷംസുദ്ദീൻ ഇതാദ്യമായാണ് മന്ത്രിപദവിയിലേക്ക് എത്തുന്നത്.
4. പി.കെ. ബഷീർ
ഏറനാട് മണ്ഡലത്തിൽ നിന്നുള്ള എം.എൽ.എയായ പി.കെ. ബഷീർ മുസ്ലീം ലീഗിന്റെ ജനകീയ മുഖമാണ്. ഇത് നാലാം തവണയാണ് അദ്ദേഹം നിയമസഭയിലെത്തുന്നത്. ലീഗിന്റെ ഇതിഹാസ നേതാവായിരുന്ന അന്തരിച്ച സി.എച്ച്. സീതി ഹാജിയുടെ മകനാണ്.
5. വി.ഇ. അബ്ദുൾ ഗഫൂർ
എറണാകുളത്തെ സി.പി.എം കോട്ടയായ കളമശ്ശേരി മണ്ഡലത്തിൽ നിന്ന് മുൻ മന്ത്രി പി. രാജീവിനെ അട്ടിമറിച്ചാണ് അബ്ദുൾ ഗഫൂർ ആദ്യമായി നിയമസഭയിലേക്ക് എത്തുന്നത്. മുൻ പൊതുമരാമത്ത് മന്ത്രി വി.കെ. ഇബ്രാഹിംകുഞ്ഞിന്റെ മകനായ ഗഫൂർ, പഴയൊരു ക്രിക്കറ്റ് താരം കൂടിയാണ്. എം.എസ്.എഫിലൂടെ (MSF) രാഷ്ട്രീയത്തിലെത്തി യൂത്ത് ലീഗിലൂടെ സജീവമായ ശേഷമാണ് ഇപ്പോൾ മന്ത്രിസഭയിലേക്ക് കന്നിപ്രവേശം നടത്തുന്നത്.
Story Summary
The Indian Union Muslim League (IUML) finalized its ministers for the VD Satheesan cabinet, adding PK Basheer following internal criticism. The list features veteran leader PK Kunhalikutty (Vengara), KM Shaji, four-time Mannarkkad MLA N Shamshuddin, and first-time Kalamassery MLA VE Abdul Gafoor, who defeated P Rajeev.
