കൊച്ചി: കേരളത്തിന്റെ പുതിയ മുഖ്യമന്ത്രിയായി തിരഞ്ഞെടുക്കപ്പെട്ട വി.ഡി. സതീശന് കൊച്ചി നെടുമ്പാശ്ശേരി വിമാനത്താവളത്തിൽ കോൺഗ്രസ് പ്രവർത്തകർ ആവേശോജ്ജ്വല സ്വീകരണം നൽകി (VD Satheesan Chief Minister Kerala). “കണ്ണേ കരളേ വിഡിഎസേ” എന്ന മുദ്രാവാക്യങ്ങളുമായി ആയിരക്കണക്കിന് പ്രവർത്തകരാണ് നിയുക്ത മുഖ്യമന്ത്രിയെ വരവേൽക്കാൻ വിമാനത്താവളത്തിൽ തടിച്ചുകൂടിയത്.
വിമാനത്താവളത്തിലെത്തിയ വി.ഡി. സതീശനെ റോജി എം. ജോൺ എംഎൽഎ, കൊച്ചി ഡിസിസി പ്രസിഡന്റ് മുഹമ്മദ് ഷിയാസ് എന്നിവരുടെ നേതൃത്വത്തിൽ സ്വീകരിച്ചു. കനത്ത ജനത്തിരക്ക് കാരണം സുരക്ഷാ ഉദ്യോഗസ്ഥർ ഏറെ പണിപ്പെട്ടാണ് അദ്ദേഹത്തെ വാഹനത്തിലേക്ക് കയറ്റിയത്.
തിങ്കളാഴ്ച നടക്കുന്ന സത്യപ്രതിജ്ഞാ ചടങ്ങിന് മുന്നോടിയായി പാർട്ടിയിലെ മുതിർന്ന നേതാക്കളെ കണ്ട് അനുഗ്രഹം വാങ്ങുന്നതിനും ചർച്ചകൾ നടത്തുന്നതിനുമായാണ് അദ്ദേഹം കൊച്ചിയിലെത്തിയത്. വരുന്ന തിങ്കളാഴ്ച (മേയ് 18) രാവിലെ പത്ത് മണിക്ക് തിരുവനന്തപുരം സെൻട്രൽ സ്റ്റേഡിയത്തിൽ വെച്ച് വി.ഡി. സതീശൻ മുഖ്യമന്ത്രിയായി സത്യപ്രതിജ്ഞ ചെയ്യും. അദ്ദേഹത്തോടൊപ്പം മറ്റ് 20 മന്ത്രിമാരും അന്നുതന്നെ സത്യപ്രതിജ്ഞ ചെയ്ത് അധികാരമേൽക്കുമെന്നാണ് സൂചന.
പതിനാറാമത് കേരള നിയമസഭയുടെ ആദ്യ സമ്മേളനം മേയ് 21 വ്യാഴാഴ്ച നടക്കും. അന്ന് പുതിയ എംഎൽഎമാരുടെ സത്യപ്രതിജ്ഞ നടക്കും. തുടര്ന്ന് മേയ് 22-ന് പുതിയ സ്പീക്കറെ തിരഞ്ഞെടുക്കും. മേയ് 29-നാണ് ഗവർണറുടെ നയപ്രഖ്യാപന പ്രസംഗം നിശ്ചയിച്ചിരിക്കുന്നത്.
News Summary: Chief Minister-designate V.D. Satheesan received a roaring welcome from thousands of Congress workers upon his arrival at the Kochi International Airport. Slogans echoed as heavy crowds gathered, prompting security personnel to struggle to escort him to his vehicle. Satheesan was received by Roji M. John MLA and Ernakulam DCC President Mohammed Shiyas. He visited Kochi to meet senior party leaders ahead of the grand swearing-in ceremony scheduled for Monday (May 18) at 10 AM in Thiruvananthapuram, where a 21-member cabinet is expected to take oath. The first session of the 16th Kerala Legislative Assembly will commence on May 21 for the MLA oath-taking, followed by the Speaker’s election on May 22, and the Governor’s policy address on May 29.
