തിരുവനന്തപുരം : സി ബി എസ് ഇ പരീക്ഷാഫലം പ്രഖ്യാപിച്ചു. വിജയശതമാനം 85.20% ആണ്. ഈ വർഷം ഫെബ്രുവരി 17 മുതൽ ഏപ്രിൽ 10 വരെ നടന്ന പരീക്ഷയിൽ ആകെ 18,59,551 വിദ്യാർത്ഥികളാണ് പങ്കെടുത്തത്. തിരുവനന്തപുരം മേഖലയാണ് വിജയശതമാനത്തിൽ ഒന്നാം സ്ഥാനത്തുള്ളത്. ഫലം പരിശോധിക്കാവുന്ന വെബ്സൈറ്റുകൾ cbse.gov.in, results.cbse.nic.in, digilocker.gov.in, umang.gov.in എന്നിവയാണ്. (CBSE Class 12 Exam Results Declared 2026)
മാർക്ക് ഷീറ്റ് ഡൗൺലോഡ് ചെയ്യുന്ന വിധം
1. സിബിഎസ്ഇ ഔദ്യോഗിക വെബ്സൈറ്റ് വഴി
results.cbse.nic.in എന്ന വെബ്സൈറ്റ് സന്ദർശിക്കുക.
“Senior Secondary School Examination (Class XII) 2026” എന്ന ലിങ്ക് ക്ലിക്ക് ചെയ്യുക.
നിങ്ങളുടെ Roll Number, School Number, Admit Card ID, Date of Birth, Security Pin എന്നിവ നൽകുക.
‘Submit’ ബട്ടൺ ക്ലിക്ക് ചെയ്താൽ മാർക്ക് ഷീറ്റ് സ്ക്രീനിൽ തെളിയും. ഇത് ഡൗൺലോഡ് ചെയ്ത് സൂക്ഷിക്കുക.
2. ‘ഡിജി ലോക്കർ’ (DigiLocker) വഴി
digilocker.gov.in വെബ്സൈറ്റോ ഡിജി ലോക്കർ ആപ്പോ തുറക്കുക.
രജിസ്റ്റർ ചെയ്ത മൊബൈൽ നമ്പർ ഉപയോഗിച്ച് ലോഗിൻ ചെയ്യുക.
“Issued Documents” എന്ന ഭാഗത്തേക്ക് പോകുക.
“CBSE Class 12 Marksheet 2026” തെരഞ്ഞെടുത്ത് ഫലം പരിശോധിക്കുകയോ ഡൗൺലോഡ് ചെയ്യുകയോ ചെയ്യാം.
3. ‘ഉമാങ്’ (UMANG) ആപ്പ് വഴി
UMANG ആപ്പ് അല്ലെങ്കിൽ umang.gov.in സന്ദർശിക്കുക.
“CBSE Class XII Results 2026” എന്ന ഓപ്ഷൻ തെരഞ്ഞെടുക്കുക.
റോൾ നമ്പറും മറ്റ് ആവശ്യമായ വിവരങ്ങളും നൽകിയ ശേഷം ‘Submit’ ക്ലിക്ക് ചെയ്യുക.
കഴിഞ്ഞ വർഷത്തെ അപേക്ഷിച്ച് വിജയശതമാനത്തിൽ ചെറിയ കുറവുണ്ട്. 85.20 ശതമാനമാണ് ഇത്തവണത്തെ വിജയശതമാനം. തിരുവനന്തപുരം മേഖലയ്ക്ക് മികച്ച നേട്ടമാണ് ഇത്തവണ പരീക്ഷാഫലത്തിൽ ഉണ്ടായിരിക്കുന്നത്. വിദ്യാർത്ഥികൾ മാർക്ക് ഷീറ്റുകൾ ഔദ്യോഗിക പ്ലാറ്റ്ഫോമുകളിൽ നിന്ന് നേരിട്ട് ഡൗൺലോഡ് ചെയ്ത് സൂക്ഷിക്കേണ്ടതാണ്.
Story Summary
CBSE has declared the Class 12 examination results for 2026, recording an overall pass percentage of 85.20%, with the Thiruvananthapuram region leading in performance. Students can access their mark sheets through official portals like CBSE Results, DigiLocker, and UMANG by entering their roll number and school credentials.
