തിരുവനന്തപുരം: മോഹൻലാലിന്റെ മകൾ വിസ്മയ മോഹൻലാൽ വെള്ളിത്തിരയിൽ അരങ്ങേറുന്ന ‘തുടക്കം’ എന്ന ചിത്രത്തിന്റെ ആഗോള റിലീസ് തീയതി പ്രഖ്യാപിച്ചു (Vismaya Mohanlal Debut Movie). ജൂഡ് ആന്തണി ജോസഫ് സംവിധാനം ചെയ്യുന്ന ചിത്രം ഓഗസ്റ്റ് ഏഴിന് പ്രദർശനത്തിനെത്തും. മോഹൻലാൽ തന്നെയാണ് തന്റെ സോഷ്യൽ മീഡിയ പേജുകളിലൂടെ റിലീസ് വിവരം പങ്കുവെച്ചത്.
ഓണം റിലീസായി എത്തുമെന്ന് കരുതിയ ചിത്രം അതിനു മുൻപേ ഓഗസ്റ്റ് ആദ്യവാരം തന്നെ പ്രേക്ഷകരിലേക്ക് എത്തും. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന 37-ാമത് ചിത്രമാണിത്. വിസ്മയയ്ക്കൊപ്പം ആശിഷ് ജോ ആന്റണി, സായ് കുമാർ, ബോബി കുര്യൻ, ഗണേഷ് കുമാർ എന്നിവർ പ്രധാന വേഷങ്ങളിലെത്തുന്നു. മോഹൻലാൽ അതിഥി വേഷത്തിൽ എത്തുന്നു എന്നതാണ് ആരാധകരെ ആവേശം കൊള്ളിക്കുന്ന മറ്റൊരു ഘടകം.
ലിനീഷ് നെല്ലിക്കൽ, അഖിൽ കൃഷ്ണ, ജൂഡ് ആന്തണി ജോസഫ് എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ജേക്സ് ബിജോയ് സംഗീതവും ജോമോൻ ടി ജോൺ ഛായാഗ്രഹണവും നിർവ്വഹിക്കുന്നു. ചമൻ ചാക്കോയാണ് എഡിറ്റിംഗ്.
ഡോ. എമിൽ ആന്റണി, ഡോ. അനീഷ ആന്റണി എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്.വിസ്മയയുടെ അരങ്ങേറ്റം എന്നതിലുപരി മോഹൻലാലിന്റെ സാന്നിധ്യവും ജൂഡ് ആന്തണിയുടെ സംവിധാനവും ചിത്രത്തെ വൻ പ്രതീക്ഷയുള്ള പ്രോജക്റ്റായി മാറ്റിയിരിക്കുകയാണ്.
News Summary: The global release date of ‘Thudakkam,’ marking the acting debut of Mohanlal’s daughter Vismaya Mohanlal, has been announced for August 7. Directed by Jude Anthany Joseph, the film was initially rumored to be an Onam release but will now hit theaters earlier. Produced by Antony Perumbavoor under Aashirvad Cinemas, the film features a star cast including Ashish Joe Antony and Sai Kumar, with a special cameo appearance by Mohanlal. Jakes Bejoy provides the music, while Jomon T. John handles the cinematography.
