ചെന്നൈ: ഐപിഎൽ 2026-ന്റെ നിർണ്ണായക ഘട്ടത്തിൽ പരിക്കേറ്റ രാമകൃഷ്ണ ഘോഷിന് പകരക്കാരനായി കർണാടകയുടെ ഓൾറൗണ്ടർ മാക്നീൽ ഹാഡ്ലി നൊറോണയെ ടീമിലെത്തിക്കാൻ ചെന്നൈ സൂപ്പർ കിങ്സ്. പേപ്പർവർക്കുകൾ പൂർത്തിയായതായും സിഎസ്കെ സിഇഒ കാശി വിശ്വനാഥൻ സ്ഥിരീകരിച്ചു.(Chennai Super Kings Sign Macneil Hadley Noronha as Replacement for IPL 2026 Playoffs Race)
2025-ലെ മഹാരാജ ട്രോഫിയിൽ മാംഗളൂരു ഡ്രാഗൺസിനെ ചാമ്പ്യന്മാരാക്കുന്നതിൽ നൊറോണ നിർണ്ണായക പങ്കുവഹിച്ചിരുന്നു. 13 മത്സരങ്ങളിൽ നിന്ന് 148.82 എന്ന മികച്ച സ്ട്രൈക്ക് റേറ്റിൽ 253 റൺസാണ് താരം അടിച്ചുകൂട്ടിയത്. ഓഫ് സ്പിന്നറായി തിളങ്ങിയ താരം 7.44 എന്ന എക്കണോമി റേറ്റിൽ 10 വിക്കറ്റുകൾ വീഴ്ത്തി. ഹുബ്ലി ടൈഗേഴ്സിനെതിരായ ഫൈനലിൽ 25 റൺസ് വഴങ്ങി 2 വിക്കറ്റുകൾ നേടിയ പ്രകടനം ശ്രദ്ധേയമായിരുന്നു. ഈ മികവിലൂടെ സയ്യിദ് മുഷ്താഖ് അലി ട്രോഫിയിൽ കർണാടക സ്ക്വാഡിലും ഇടംപിടിച്ചു.
സീസണിലുടനീളം പരിക്കുകൾ സിഎസ്കെയെ വലിയ രീതിയിൽ വേട്ടയാടിയിട്ടുണ്ട്. ഖലീൽ അഹമ്മദ്, ആയുഷ് മ്ഹാത്രെ എന്നിവർ സീസണിൽ നിന്ന് പുറത്താണ്. നഥാൻ എല്ലിസിന് പകരമെത്തിയ സ്പെൻസർ ജോൺസണും പരിക്കിനെത്തുടർന്ന് ചില മത്സരങ്ങൾ നഷ്ടമായി. ഇതിനിടെ, കാൽമുട്ടിനേറ്റ പരിക്കുമൂലം എം.എസ്. ധോണിയും ടീമിന് പുറത്താണ്. ലഖ്നൗ സൂപ്പർ ജയന്റ്സിനെതിരായ മത്സരത്തിൽ ധോണി ടീമിനൊപ്പം സഞ്ചരിക്കുന്നുണ്ടെങ്കിലും കളിക്കാനുള്ള സാധ്യത വളരെ കുറവാണ്.
Story Summary
Chennai Super Kings are set to sign Karnataka all-rounder Macneil Hadley Noronha as a replacement for the injured Ramakrishna Ghosh for the remainder of IPL 2026. Despite a season marred by significant injuries to key players including MS Dhoni, Khaleel Ahmed, and Ayush Mhatre, CSK remains in contention for the playoffs, currently sitting fifth on the points table.
