ജയ്പൂർ: 45 വർഷത്തെ ചരിത്രത്തിൽ ആദ്യമായി കഠിനമായ വേനൽക്കാലത്തും സർവീസ് നടത്തി രാജസ്ഥാന്റെ ആഡംബര ട്രെയിനായ ‘പാലസ് ഓൺ വീൽസ്’ വിസ്മയിപ്പിക്കുന്നു. സാധാരണയായി സെപ്റ്റംബർ മുതൽ ഏപ്രിൽ വരെ മാത്രം സർവീസ് നടത്തുന്ന ട്രെയിൻ, യാത്രക്കാരുടെ വർദ്ധിച്ച ആവശ്യം പരിഗണിച്ച് ഇത്തവണ മെയ് മാസത്തിലും ട്രാക്കിലിറങ്ങുകയാണ് (Palace on Wheels Debuts in May). ഒരു പ്രമുഖ ദേശസാൽകൃത ബാങ്ക് ട്രെയിൻ പൂർണ്ണമായും ബുക്ക് ചെയ്തതിനെത്തുടർന്നാണ് ഈ സവിശേഷ യാത്ര.
രാജസ്ഥാനിലെ ഉയർന്ന ചൂട് (42 ഡിഗ്രി സെൽഷ്യസിന് മുകളിൽ) കാരണം മുൻപ് മെയ് മാസത്തിൽ സർവീസുകൾ ഉണ്ടായിരുന്നില്ല. എന്നാൽ ആഭ്യന്തര ടൂറിസം മേഖലയിലെ ഉണർവ് കണക്കിലെടുത്ത് ഇതാദ്യമായാണ് മെയ് മാസത്തിൽ ട്രെയിൻ ഓടിക്കുന്നത്.മെയ് 20 മുതൽ 25 വരെ ഡൽഹി സഫ്ദർജംഗ് സ്റ്റേഷനിൽ നിന്ന് ആരംഭിച്ച് ആറ് ദിവസം നീണ്ടുനിൽക്കുന്നതാണ് ഈ യാത്ര. ചിത്തോർഗഡ്, ബിക്കാനീർ, ഉദയ്പൂർ, ജയ്സാൽമീർ തുടങ്ങിയ പ്രധാന വിനോദസഞ്ചാര കേന്ദ്രങ്ങളിലൂടെയാണ് യാത്ര കടന്നുപോകുന്നത്.
വൈ-ഫൈ, സ്പാ, റെസ്റ്റോറന്റ്-കം-ബാർ തുടങ്ങിയ അത്യാധുനിക സൗകര്യങ്ങളോടു കൂടിയ 22 കോച്ചുകളാണ് ട്രെയിനിലുള്ളത്. ഓരോ അതിഥിക്കും 24 മണിക്കൂറും വ്യക്തിഗത സേവനം നൽകാൻ ‘ഖിദ്മത്ഗർ’ എന്ന അസിസ്റ്റന്റും കൂടെയുണ്ടാകും.
Summary: Palace on Wheels: Rajasthan’s Luxury Rail Journey Debuts in May After 45 Years. Breaking a nearly five-decade tradition of seasonal breaks, India’s iconic Palace on Wheels will operate this May to meet unprecedented demand. Fully chartered by a major nationalized bank, the six-day luxury voyage will travel through Rajasthan’s cultural heart from May 20-25, starting from Delhi.
