യൂറോപ്പിലെ കോർപ്പറേറ്റ് ഓഫീസുകൾ ജീവനക്കാരുടെ ‘വർക്ക്-ലൈഫ് ബാലൻസിന്’ എത്രത്തോളം പ്രാധാന്യം നൽകുന്നു എന്ന് വ്യക്തമാക്കുന്ന വീഡിയോ സോഷ്യൽ മീഡിയയിൽ തരംഗമാകുന്നു. സ്വീഡനിൽ എൻവയോൺമെന്റൽ കൺസൾട്ടന്റായി ജോലി ചെയ്യുന്ന സങ്കേത് ബാനിക് ആണ് തന്റെ ഓഫീസിലെ സവിശേഷതകൾ ഇൻസ്റ്റാഗ്രാമിലൂടെ പങ്കുവെച്ചത് (Sweden Office Life Viral Video). പരമ്പരാഗതമായ ഓഫീസ് സങ്കൽപ്പങ്ങളിൽ നിന്ന് തികച്ചും വ്യത്യസ്തവും ലാളിത്യം നിറഞ്ഞതുമാണ് സ്വീഡനിലെ ഈ തൊഴിലിടം എന്ന് വീഡിയോ സാക്ഷ്യപ്പെടുത്തുന്നു.
സാധാരണ ഓഫീസുകളിലെ ക്യൂബിക്കിൾ ശൈലിക്ക് പകരം ബീൻ ബാഗുകൾ, സ്റ്റൈലിഷ് കസേരകൾ, മേശകൾ എന്നിവയാണ് ഇവിടെ ഒരുക്കിയിരിക്കുന്നത്. ഇതിന് പുറമെ ഓഫീസിലെ കോണിപ്പടികളിൽ ഇരുന്നുപോലും ജോലി ചെയ്യാനുള്ള സൗകര്യം ഇവിടെയുണ്ട്. ജോലി സമ്മർദ്ദം കുറയ്ക്കുന്നതിനായി മസാജ് ചെയറുകൾ, ഗെയിമുകൾ കളിക്കാനുള്ള സൗകര്യം എന്നിവയും ഓഫീസിനുള്ളിൽ തന്നെയുണ്ട്. ജീവനക്കാർക്കായി അൺലിമിറ്റഡ് മിഠായികളും എല്ലാ വൈകുന്നേരങ്ങളിലും സ്വീഡിഷ് രീതിയിലുള്ള ലഘുഭക്ഷണങ്ങളും സൗജന്യമായി നൽകുന്നു എന്നതും ശ്രദ്ധേയമാണ്.
ഓഫീസിനുള്ളിലെ അടച്ചിട്ട അന്തരീക്ഷം മടുക്കുകയാണെങ്കിൽ പുറത്തിറങ്ങി ശുദ്ധവായു ശ്വസിച്ച് ജോലി ചെയ്യാനുള്ള സ്വാതന്ത്ര്യവും ജീവനക്കാർക്കുണ്ട്. ഇത്തരം സൗകര്യങ്ങൾ ജീവനക്കാരുടെ മാനസികാരോഗ്യം മെച്ചപ്പെടുത്തുന്നതിനും ജോലിയിൽ കൂടുതൽ താൽപ്പര്യം ജനിപ്പിക്കുന്നതിനും സഹായിക്കുമെന്ന് സങ്കേത് വീഡിയോയിൽ പറയുന്നു. ഈ വീഡിയോ വൈറലായതോടെ, ഇന്ത്യയിലെ കോർപ്പറേറ്റ് സംസ്കാരവുമായി താരതമ്യം ചെയ്തുകൊണ്ട് നിരവധി പേരാണ് അഭിനന്ദനങ്ങളുമായി എത്തുന്നത്.
View this post on Instagram
Summary: Sanketh Banik, an environmental consultant in Sweden, shared a viral video showcasing his unconventional office workspace. Highlighting Europe’s focus on work-life balance, he displayed features like bean bags, massage chairs, free snacks, and the freedom to work outdoors or on stairs, proving that modern offices are moving away from traditional cubicle setups.
