ചെന്നൈ: തമിഴ്നാടിന്റെ മുഖ്യമന്ത്രിയായി ചുമതലയേറ്റ വിജയ്യെ അഭിനന്ദിച്ചും ചില സുപ്രധാന ആവശ്യങ്ങൾ മുന്നോട്ടുവെച്ചും നടൻ വിശാൽ. കഴിഞ്ഞ 32 വർഷമായി തനിക്കറിയാവുന്ന ഒരാളുടെ പേരിനൊപ്പം ‘സർ’ എന്ന് ചേർത്ത് വിളിക്കാൻ സാധിച്ചതിൽ വലിയ അഭിമാനമുണ്ടെന്ന് വിശാൽ തന്റെ എക്സ് കുറിപ്പിൽ വ്യക്തമാക്കി. സിനിമാ മേഖലയിൽ നിന്നൊരാൾ ഭരണത്തലവനാകുന്നത് സന്തോഷകരമാണെന്നും അദ്ദേഹം കൂട്ടിച്ചേർത്തു.(Actor Vishal Congratulates CM Vijay And Suggests Key Improvements)
Congratulations to our honorable chief minister #ThalapathyVijay as I always love to call him for taking oath as the next chief minister of #Tamilnadu and so happy to see a personality from our fraternity to lead the government. Best wishes to all the elected MLAs and future…
— Vishal (@VishalKOfficial) May 10, 2026
വെറുമൊരു അഭിനന്ദനത്തിൽ ഒതുക്കാതെ, ഒരു വോട്ടർ എന്ന നിലയിൽ ഉടൻ ശ്രദ്ധിക്കേണ്ട മൂന്ന് അടിസ്ഥാന കാര്യങ്ങളും വിശാൽ ചൂണ്ടിക്കാട്ടി. മുഖ്യമന്ത്രിയുടെ യാത്രാവേളകളിൽ സുരക്ഷയ്ക്കായി വെയിലത്ത് നിൽക്കേണ്ടി വരുന്ന വനിതാ പോലീസുകാരുടെ ബുദ്ധിമുട്ടുകൾ പരിഹരിക്കണം. അവർക്കായി പ്രത്യേക മൊബൈൽ ടോയ്ലറ്റുകൾ അനുവദിക്കണമെന്ന് വിശാൽ അഭ്യർത്ഥിച്ചു.
കഴിഞ്ഞ 30 വർഷമായി മാറ്റമില്ലാതെ തുടരുന്ന റോഡുകളിലെ കുഴികളും മോശം അവസ്ഥയും ശാസ്ത്രീയമായി പരിഹരിക്കണം. ശാസ്ത്രീയമായ ഓടകൾ നിർമ്മിച്ച് നഗരങ്ങളിലെ വെള്ളക്കെട്ട് ഒഴിവാക്കാൻ അടിയന്തര നടപടി വേണം. സാധാരണക്കാരന്റെ ഇത്തരം ചെറിയ ആവശ്യങ്ങൾ നിറവേറ്റുന്നത് മുൻപ് ഒരു നേതാവും ചെയ്യാത്ത വലിയൊരു മാറ്റത്തിന് തുടക്കമിടാൻ താങ്കളെ സഹായിക്കും. പൊതുജനങ്ങൾക്ക് നല്ലത് ചെയ്യാൻ ആവശ്യമായ എല്ലാ കരുത്തും ദൈവം നൽകട്ടെ, വിശാൽ കുറിച്ചു. സംസ്ഥാനത്തിന്റെ സുവർണ്ണകാലത്തിന് ഈ ഭരണത്തിലൂടെ തുടക്കമാകട്ടെ എന്നും അദ്ദേഹം ആശംസിച്ചു.
Story Summary
Actor Vishal congratulated Vijay on becoming the Tamil Nadu CM, expressing pride in calling his long-time friend ‘Sir’. Vishal also urged the new CM to address basic issues like road maintenance, drainage systems, and providing mobile toilets for women police officers on duty.
