ചെന്നൈ: തമിഴ്നാട് രാഷ്ട്രീയത്തിൽ അപ്രതീക്ഷിത ട്വിസ്റ്റുകൾ തുടരുന്നു. സർക്കാർ രൂപീകരണത്തിനുള്ള നീക്കങ്ങളിൽ നിന്ന് എഐഎഡിഎംകെ ജനറൽ സെക്രട്ടറി എടപ്പാടി പളനിസ്വാമി പിന്മാറി (Edappadi Palaniswami Withdrawal). എംഎൽഎമാരുമായി നടത്തിയ ചർച്ചകൾക്ക് പിന്നാലെയാണ് താൻ സർക്കാരുണ്ടാക്കാനില്ലെന്ന് ഇപിഎസ് വ്യക്തമാക്കിയത്. പുതിയ സർക്കാരിന് ആശംസകൾ നേർന്ന് അദ്ദേഹം എക്സിൽ കുറിപ്പും പങ്കുവെച്ചു. ഇപിഎസിന്റെ ഈ പിന്മാറ്റം നടൻ വിജയ് നയിക്കുന്ന തമിഴക വെട്രി കഴകത്തിന് (ടിവികെ) അധികാരം പിടിക്കുന്നത് എളുപ്പമാക്കുമെന്നാണ് വിലയിരുത്തൽ.
നിലവിൽ 108 എംഎൽഎമാരുള്ള ടിവികെക്ക് കോൺഗ്രസ് (5), സിപിഎം (2), സിപിഐ (2) കക്ഷികൾ പിന്തുണ അറിയിച്ചിട്ടുണ്ട്. കേവലഭൂരിപക്ഷത്തിന് 118 പേരുടെ പിന്തുണയാണ് വേണ്ടത്. വിസികെ (VCK) കൂടി പിന്തുണ പ്രഖ്യാപിച്ചാൽ വിജയ്ക്ക് മുഖ്യമന്ത്രിസ്ഥാനത്തേക്ക് അവകാശവാദം ഉന്നയിക്കാൻ സാധിക്കും. വിസികെ അധ്യക്ഷൻ തിരുമാവളവൻ ഉടൻ തന്നെ പിന്തുണ കത്ത് ഗവർണർക്ക് കൈമാറിയേക്കുമെന്നാണ് സൂചന. 118 പേരുടെ പിന്തുണ തെളിയിക്കാൻ സാധിക്കാത്തതിനാൽ ഗവർണർ രാജേന്ദ്ര അർലേക്കർ ഇതിനോടകം മൂന്ന് തവണ വിജയിയുടെ അവകാശവാദം തള്ളിയിരുന്നു. വിസികെ പിന്തുണ ലഭിച്ചാൽ ഉടൻ തന്നെ വിജയ് വീണ്ടും ഗവർണറെ കാണും.
Summary: In a dramatic turn of events in Tamil Nadu politics, AIADMK leader Edappadi K. Palaniswami has withdrawn from the race to form a government, paving the way for actor Vijay’s TVK. Vijay, who currently has the support of 117 MLAs (including Congress and Left parties), is awaiting a formal letter from VCK to cross the majority mark of 118 and claim the Chief Minister’s post.
