നിർമ്മിത ബുദ്ധി ഉപയോഗിച്ചുള്ള നൂതനമായ തട്ടിപ്പുകൾ വർദ്ധിച്ചുവരുന്നതിന്റെ ആശങ്കാജനകമായ വാർത്തയാണ് അമേരിക്കയിലെ ഫ്ലോറിഡയിൽ നിന്ന് പുറത്തുവരുന്നത്. ജാക്സൺവില്ല സ്വദേശിയായ എറിക്ക ആൻഡേഴ്സൺ എന്ന വീട്ടമ്മയാണ് തന്റെ 17 വയസ്സുകാരിയായ മകളുടെ പേരിൽ വന്ന വ്യാജ ഫേസ്ടൈം കോളിനെക്കുറിച്ച് മുന്നറിയിപ്പ് നൽകുന്നത്. (AI FaceTime scam Florida)
മകളുടെ ഫോൺ നമ്പറിൽ നിന്നാണ് എറിക്കയ്ക്ക് കോൾ വന്നത്. “അമ്മേ, എനിക്ക് സുഖമില്ല, ദയവായി വാതിൽ തുറക്കാമോ?” എന്നായിരുന്നു മകളുടെ ശബ്ദത്തിലുള്ള അഭ്യർത്ഥന. എന്നാൽ മകൾ ആ സമയം സ്കൂളിലായിരുന്നു എന്ന് ഉറപ്പുള്ള എറിക്കയ്ക്ക് ഉടൻ തന്നെ സംശയം തോന്നി. സുരക്ഷാ ക്യാമറകൾ പരിശോധിച്ചപ്പോൾ വാതിലിന് മുന്നിൽ ആരെയും കണ്ടതുമില്ല.
തട്ടിപ്പ് തിരിച്ചറിഞ്ഞത് എങ്ങനെ?
സംശയം തോന്നിയ എറിക്ക മകൾക്ക് മാത്രം അറിയാവുന്ന കാര്യങ്ങൾ ചോദിക്കാൻ തുടങ്ങി. “നമ്മൾ ഇന്നലെ രാത്രി എന്താണ് കഴിച്ചത്?” എന്ന ചോദ്യത്തിന്, “എന്തിനാണ് അമ്മ ഇങ്ങനെയുള്ള വട്ടൻ ചോദ്യങ്ങൾ ചോദിക്കുന്നത്, വാതിൽ തുറക്കൂ” എന്നായിരുന്നു മറുപടി. മറുപടിയിൽ പന്തികേട് തോന്നിയ എറിക്ക ഉടൻ തന്നെ കോൾ കട്ട് ചെയ്യുകയായിരുന്നു. പിന്നീട് ഫോൺ പരിശോധിച്ചപ്പോൾ അങ്ങനെയൊരു കോൾ ഹിസ്റ്ററി ഫോണിൽ ഉണ്ടായിരുന്നില്ല എന്നതും അവരെ ഞെട്ടിച്ചു.
ഈ സംഭവത്തിന് ശേഷം തന്റെ കുടുംബത്തിന്റെ സുരക്ഷയ്ക്കായി ചില മുൻകരുതലുകൾ എറിക്ക സ്വീകരിച്ചു. കുടുംബാംഗങ്ങൾക്കിടയിൽ മാത്രം അറിയാവുന്ന ഒരു രഹസ്യ വാക്ക് നിശ്ചയിക്കുക. അത്യാവശ്യ ഘട്ടങ്ങളിൽ വിളിക്കുന്നത് യഥാർത്ഥ വ്യക്തിയാണോ എന്ന് തിരിച്ചറിയാൻ ഇത് സഹായിക്കും. വാതിൽ തുറക്കുന്നതിന് മുൻപ് ക്യാമറ ദൃശ്യങ്ങൾ പരിശോധിച്ച് ഉറപ്പുവരുത്തുക. സംശയം തോന്നിയാൽ ആ വ്യക്തിക്ക് മാത്രം അറിയാവുന്ന കാര്യങ്ങൾ ചോദിച്ച് ഉറപ്പിക്കുക. AI ഉപയോഗിച്ച് ശബ്ദവും മുഖവും വരെ വ്യാജമായി നിർമ്മിക്കാൻ സാധിക്കുമെന്നതിനാൽ, അപരിചിതമായ കോളുകളോടും അഭ്യർത്ഥനകളോടും അതീവ ജാഗ്രത പുലർത്തണമെന്ന് സൈബർ വിദഗ്ധരും മുന്നറിയിപ്പ് നൽകുന്നു.
Summary: A Florida woman, Erika Anderson, has warned the public about a sophisticated AI scam after receiving a fake FaceTime call that mimicked her 17-year-old daughter’s voice and appearance. The AI-caller asked her to open the door, claiming to be sick. Erika realized it was a scam when the caller couldn’t answer personal questions. She has now implemented family “code words” and enhanced home security to prevent such incidents.
