ചണ്ഡീഗഡ്: പഞ്ചാബിലെ ജലന്ധറിലെ ബിഎസ്എഫ് (BSF) ആസ്ഥാനത്തിന് മുന്നിലും അമൃത്സറിലെ സൈനിക ക്യാമ്പിന് സമീപവും സ്ഫോടനങ്ങൾ നടന്നു (Punjab Twin Blasts 2026). സ്ഫോടനങ്ങളിൽ ആർക്കും പരിക്കേറ്റതായി റിപ്പോർട്ടില്ലെങ്കിലും സുരക്ഷാ ഏജൻസികൾ അന്വേഷണം ഊർജ്ജിതമാക്കിയിട്ടുണ്ട്. നിരോധിത സംഘടനയായ ‘ഖാലിസ്ഥാൻ ലിബറേഷൻ ആർമി’ (KLA) ആക്രമണത്തിന്റെ ഉത്തരവാദിത്തം ഏറ്റെടുത്തതായി റിപ്പോർട്ടുകളുണ്ട്.
ചൊവ്വാഴ്ച രാത്രി എട്ട് മണിയോടെയാണ് ജലന്ധർ ബിഎസ്എഫ് ഫ്രോണ്ടിയർ ആസ്ഥാനത്തിന് മുന്നിൽ സ്ഫോടനമുണ്ടായത്. ബിഎസ്എഫ് ചൗക്കിന് സമീപം നിർത്തിയിട്ടിരുന്ന ഒരു സ്കൂട്ടറിലാണ് സ്ഫോടനം നടന്നത്. സ്ഫോടനത്തിന് പിന്നാലെ സ്കൂട്ടർ പൂർണ്ണമായും കത്തിനശിച്ചു. ഒരു പാഴ്സൽ ഡെലിവറി ബോയിയുടെ സ്കൂട്ടറിലാണ് സ്ഫോടനം നടന്നതെന്ന് പോലീസ് സ്ഥിരീകരിച്ചു.
🔴#BREAKING | पंजाब के अमृतसर में आर्मी कैंप के बाहर धमाका, कोई घायल नहीं हुआ, सीसीटीवी वीडियो आया सामने, देखिए 👇 #Punjab #Amritsar #Punjabnews #Blast https://t.co/Bn8LY9eqVb pic.twitter.com/zTt1OPuZk1
— Journalist Ravendra kumar (@Chhotukingoffi1) May 6, 2026
ജലന്ധറിലെ സ്ഫോടനത്തിന് മണിക്കൂറുകൾക്ക് ശേഷം രാത്രി 11 മണിയോടെ അമൃത്സറിലെ ഖാസയിലുള്ള സൈനിക ക്യാമ്പിന് സമീപം രണ്ടാമത്തെ സ്ഫോടനമുണ്ടായി. അതിർത്തി പാതയിൽ സൈനിക കേന്ദ്രത്തിന്റെ മതിൽ ലക്ഷ്യമാക്കി സ്ഫോടക വസ്തു എറിയുകയായിരുന്നുവെന്നാണ് പ്രാഥമിക നിഗമനം. വലിയ ശബ്ദത്തോടെയാണ് ഇവിടെ സ്ഫോടനം നടന്നതെന്ന് നാട്ടുകാർ പറഞ്ഞു.
ജലന്ധറിലെ സ്ഫോടനത്തിന് പിന്നിൽ തങ്ങളാണെന്ന് അവകാശപ്പെട്ട് ‘ഖാലിസ്ഥാൻ ലിബറേഷൻ ആർമി’ സോഷ്യൽ മീഡിയയിൽ കുറിപ്പ് പങ്കുവെച്ചു. “ഓപ്പറേഷൻ നവ സവേര” (Operation Nawa Savair) എന്ന പേരിൽ നടത്തിയ നീക്കമാണിതെന്നും മുതിർന്ന ബിഎസ്എഫ് ഉദ്യോഗസ്ഥർക്ക് നേരെ ഇവർ ഭീഷണി മുഴക്കുകയും ചെയ്തിട്ടുണ്ട്. പോലീസ് ഈ അവകാശവാദത്തിന്റെ നിജസ്ഥിതി പരിശോധിച്ചു വരികയാണ്.
സ്ഫോടന സ്ഥലങ്ങളിൽ നിന്ന് ഫോറൻസിക് സംഘവും ബോംബ് സ്ക്വാഡും തെളിവുകൾ ശേഖരിച്ചു. ജലന്ധറിൽ സ്കൂട്ടർ ഉടമയടക്കം രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്. അതിർത്തി സംസ്ഥാനമായ പഞ്ചാബിലെ ക്രമസമാധാന നില തകർന്നുവെന്ന് ആരോപിച്ച് പ്രതിപക്ഷ പാർട്ടികളായ കോൺഗ്രസും ബിജെപിയും സർക്കാരിനെതിരെ രംഗത്തെത്തി.
Story Summary: Twin blasts rocked Jalandhar and Amritsar on Tuesday night, targeting areas near BSF and Army establishments. While no casualties were reported, a banned outfit, Khalistan Liberation Army (KLA), has claimed responsibility for the explosions. Punjab is on high alert, and a multi-agency probe is currently underway to verify the terror link.
