കടലിനടിയിൽ ഡൈവിംഗിനിടെ അപ്രതീക്ഷിതമായി കടലാമയുടെ മർദ്ദനമേറ്റ ഡൈവറുടെ ദൃശ്യങ്ങൾ സോഷ്യൽ മീഡിയയിൽ തരംഗമാകുന്നു. ട്രാവൽ ക്രിയേറ്ററായ ക്രിസ്റ്റഫർ ചാങ്ങിനാണ് ഈ വിചിത്രമായ അനുഭവം ഉണ്ടായത് (Diver Slapped by Turtle Video Viral). ‘എനിക്ക് ആമയുടെ തല്ല് കിട്ടി’ എന്ന തലക്കെട്ടോടെ അദ്ദേഹം പങ്കുവെച്ച വീഡിയോ ഇതിനോടകം ദശലക്ഷക്കണക്കിന് ആളുകൾ കണ്ടുകഴിഞ്ഞു.
സാധാരണയായി കടലാമകൾ മനുഷ്യരെ കാണുമ്പോൾ അവയുടെ വഴിക്ക് പോകാറാണ് പതിവ്. എന്നാൽ ഈ ആമ തന്നെ വിടാതെ പിന്തുടരുകയായിരുന്നുവെന്ന് ചാങ് പറയുന്നു. താൻ എങ്ങോട്ട് മാറിയാലും ദൂരെ നിന്ന് ഈ ആമ തന്നെ ശ്രദ്ധിക്കുന്നുണ്ടായിരുന്നു. ചാങ്ങിന് നേരെ നീന്തി വന്ന ആമ അദ്ദേഹത്തിന്റെ മുഖത്തിന് നേരെ ഒരു ചെറിയ ‘തല്ല്’ നൽകുകയായിരുന്നു. ഇതിന് പിന്നാലെ യാതൊരു കൂസലുമില്ലാതെ ആമ നീന്തിപ്പോകുകയും ചെയ്തു. വർഷങ്ങളായി ഡൈവിംഗ് നടത്തുന്ന തനിക്ക് നൂറുകണക്കിന് തവണ ആമകളെ കാണാൻ അവസരം ലഭിച്ചിട്ടുണ്ടെങ്കിലും ഇത്തരത്തിലൊന്ന് ആദ്യമായാണെന്ന് ചാങ് വ്യക്തമാക്കി. ആമയുടെ പെരുമാറ്റത്തിൽ എന്തോ വിചിത്രമായ ഊർജ്ജം അനുഭവപ്പെട്ടതായും അദ്ദേഹം കൂട്ടിച്ചേർത്തു.
ആമയുടെ വീട്ടിൽ ചെന്ന് ബഹളമുണ്ടാക്കിയതിനാണ് തല്ല് കിട്ടിയതെന്നാണ് ഒരു വിഭാഗം ആളുകൾ തമാശരൂപേണ കമന്റ് ചെയ്യുന്നത്. ആമയുടെ അനുവാദമില്ലാതെ വീഡിയോ എടുത്തതാണ് പ്രകോപനത്തിന് കാരണമെന്നും ചിലർ പരിഹസിക്കുന്നു. കടലിനടിയിലെ മനോഹരമായ നിമിഷങ്ങൾ പകർത്തുമ്പോൾ പ്രകൃതിയും ജീവികളും എപ്പോഴും പ്രവചനാതീതമായിരിക്കുമെന്ന് ഈ വീഡിയോ ഒരിക്കൽ കൂടി ഓർമ്മിപ്പിക്കുന്നു.
View this post on Instagram
Summary: A video of diver Christopher Chang getting “slapped” by a sea turtle underwater has gone viral. Chang shared that while diving, the turtle unusually trailed him and eventually delivered a light slap before swimming away. Having had hundreds of turtle encounters before, Chang described this particular one’s behavior as strange and persistent. The video has reached over a million views, with users joking that the turtle was defending its home or reacting to being filmed without “consent.”
