ന്യൂഡൽഹി: അശ്രദ്ധമായി വീടിന്റെ പ്രധാന വാതിൽ തുറന്നിട്ടുപോയ വീട്ടുടമയ്ക്ക് തുണയായി ഡെലിവറി ബോയിയുടെ സത്യസന്ധത (Delivery Worker Guards Open House). ഡൽഹിവിറി കമ്പനിയിലെ ജീവനക്കാരനായ അംജദ് അൻസാരിയാണ് തന്റെ ജോലിക്കപ്പുറമുള്ള ഉത്തരവാദിത്തം കാണിച്ച് സോഷ്യൽ മീഡിയയുടെ കൈയടി നേടുന്നത്.
വീട്ടുടമയായ ദിവ്യ ഉണ്ണി പുറത്തേക്ക് പോയപ്പോൾ അബദ്ധത്തിൽ വീടിന്റെ മുൻവാതിൽ പൂട്ടാതെ തുറന്നിടുകയായിരുന്നു. ഈ സമയത്താണ് പാഴ്സൽ നൽകാനായി അംജദ് അവിടെ എത്തുന്നത്. വാതിൽ തുറന്നുകിടക്കുന്നത് കണ്ട് അംജദ് പാഴ്സൽ അകത്തെ മേശപ്പുറത്ത് സുരക്ഷിതമായി വെച്ചു. എന്നാൽ ആരും ഇല്ലാത്ത വീട്ടിലേക്ക് ആരെങ്കിലും അതിക്രമിച്ചു കയറുമോ എന്ന് ഭയന്ന് അദ്ദേഹം ഉടമയെ ഫോണിൽ വിളിച്ചു വിവരമറിയിച്ചു. അവർ തിരികെ വരുന്നത് വരെ അദ്ദേഹം വീടിന് കാവൽ നിൽക്കുകയും ചെയ്തു.
വീട്ടിൽ ഒരു വളർത്തുപൂച്ച കൂടി ഉണ്ടായിരുന്നതിനാൽ അത് പുറത്തേക്ക് ഓടിപ്പോകാതിരിക്കാൻ അദ്ദേഹം പ്രത്യേകം ശ്രദ്ധിച്ചു. വീട്ടിലെത്തിയ ഉടമ അംജദിന്റെ ഈ പ്രവൃത്തിയെ അഭിനന്ദിക്കുകയും വീഡിയോ ഇൻസ്റ്റാഗ്രാമിൽ പങ്കുവെക്കുകയും ചെയ്തു. അംജദിന് അർഹമായ സ്ഥാനക്കയറ്റവും അംഗീകാരവും നൽകണമെന്ന് അവർ ഡൽഹിവിറി അധികൃതരോട് അഭ്യർത്ഥിച്ചു. സോഷ്യൽ മീഡിയയിൽ തരംഗമായ ഈ വീഡിയോയ്ക്ക് താഴെ അംജദിന്റെ സത്യസന്ധതയെയും കരുണയെയും പ്രശംസിച്ചുകൊണ്ട് ആയിരക്കണക്കിന് കമന്റുകളാണ് വരുന്നത്.
View this post on Instagram
Summary: A delivery worker named Amzad Ansari is being praised online for guarding a customer’s home after finding the front door accidentally left open. Instead of just leaving the parcel, he alerted the homeowner, Divya Unny, and stayed at the entrance to ensure no one entered and the resident’s cat didn’t escape. Divya shared the heartwarming incident on Instagram, urging his employer, Delhivery, to recognize his integrity.
