തിരുവനന്തപുരം: കേരളത്തിൽ ഔദ്യോഗികമായി ലോഡ് ഷെഡിങ് ഏർപ്പെടുത്തിയിട്ടില്ലെന്ന് വൈദ്യുതി മന്ത്രി കെ. കൃഷ്ണൻകുട്ടി അറിയിച്ചു (KSEB Power Cut). ഓവർലോഡ് അനുഭവപ്പെടുന്ന പ്രദേശങ്ങളിൽ ട്രാൻസ്ഫോർമറുകളുടെ സുരക്ഷ കണക്കിലെടുത്ത് മാത്രമാണ് നിലവിൽ പവർ കട്ട് ഏർപ്പെടുത്തുന്നതെന്ന് അദ്ദേഹം പറഞ്ഞു. ലോഡ് ഷെഡിങ് പ്രഖ്യാപിക്കണമെങ്കിൽ സർക്കാരിന്റെ പ്രത്യേക അനുമതി ആവശ്യമാണ്. നിലവിൽ അത്തരമൊരു തീരുമാനം സർക്കാർ എടുത്തിട്ടില്ല.
വേനൽ മഴ ലഭിക്കുന്നതോടെയും കേന്ദ്ര വിഹിതമായി ലഭിക്കേണ്ട വൈദ്യുതി കൃത്യമായി എത്തുന്നതോടെയും നിലവിലെ പ്രതിസന്ധിക്ക് പരിഹാരമാകുമെന്ന് മന്ത്രി പ്രത്യാശ പ്രകടിപ്പിച്ചു. പീക്ക് അവറുകളിൽ (വൈകുന്നേരം 6 മുതൽ രാത്രി 12 വരെ) ഉപഭോഗം കുറയ്ക്കാനായി 15 മുതൽ 30 മിനിറ്റ് വരെ നിയന്ത്രണം തുടരുമെന്ന് കെഎസ്ഇബി അറിയിച്ചിട്ടുണ്ട്.
വൈദ്യുതി ഉപഭോഗം റെക്കോർഡ് നിലയിൽ എത്തിയ സാഹചര്യത്തിൽ സ്ഥിതിഗതികൾ നിരീക്ഷിക്കാൻ ഉന്നതതല കോർ കമ്മിറ്റി രൂപീകരിച്ചിട്ടുണ്ട്. ഓരോ ദിവസത്തെയും സാഹചര്യം വിലയിരുത്തിക്കൊണ്ടാകും നിയന്ത്രണങ്ങളിൽ മാറ്റം വരുത്തുക. പീക്ക് അവറിൽ അമിത ഭാരം ഒഴിവാക്കാൻ ജനങ്ങൾ സഹകരിക്കണമെന്നും ബോർഡ് അഭ്യർത്ഥിച്ചു.
Story Summary: Electricity Minister K. Krishnankutty clarified that Kerala has not officially implemented load shedding, terming the current power cuts as mere “regulations” in overloaded areas. He emphasized that government approval is mandatory for load shedding and hoped the crisis would ease with summer rains and central power allocation. However, KSEB confirmed that 15 to 30-minute power regulations will continue between 6 PM and 12 AM due to record-high consumption.
