കൊച്ചി: നടി, തിരക്കഥാകൃത്ത് എന്നീ നിലകളിൽ തിളങ്ങുന്ന ശാന്തി ബാലചന്ദ്രന് ഹൃദ്യമായ ഭാഷയിൽ പിറന്നാൾ ആശംസകൾ നേർന്ന് സംവിധായകൻ ഡൊമിനിക് അരുൺ (Shanthi Balachandran Birthday). ഇൻസ്റ്റാഗ്രാമിലൂടെ പങ്കുവെച്ച പോസ്റ്റിൽ തമാശ കലർന്ന രീതിയിലാണ് അദ്ദേഹം ആശംസകൾ അറിയിച്ചിരിക്കുന്നത്.
“പിറന്നാൾ ആശംസകൾ പ്രിയപ്പെട്ട കൂട്ടുകാരി. നീ എന്റെ ഏറ്റവും വലിയ ‘അസത്താണ്’… ഞാൻ ഉദ്ദേശിച്ചത് ‘സ്വത്താണ്’ എന്നാണ് കേട്ടോ. ഒരാൾക്ക് ആഗ്രഹിക്കാവുന്നതിൽ വെച്ച് ഏറ്റവും നല്ല ഊഷ്മളമായ പെരുമാറ്റമുള്ള, മികച്ച സുഹൃത്താണ് നീ,” ഡൊമിനിക് കുറിച്ചു.
ഡൊമിനിക്കിന്റെ പോസ്റ്റിന് താഴെ ടൊവിനോ തോമസ്, നസ്ലിൻ, കല്യാണി പ്രിയദർശൻ തുടങ്ങിയ പ്രമുഖ താരങ്ങളും ശാന്തിക്ക് പിറന്നാൾ മംഗളങ്ങൾ നേർന്ന് കമന്റുകൾ പങ്കുവെച്ചു.
ഡൊമിനിക് അരുണിന്റെ ആദ്യ ചിത്രമായ ‘തരംഗ’ത്തിലൂടെയാണ് ശാന്തി സിനിമയിൽ അരങ്ങേറ്റം കുറിച്ചത്. അഭിനയത്തിന് പുറമെ തിരക്കഥാ രചനയിലും ശാന്തി സജീവമാണ്. ഡൊമിനിക് സംവിധാനം ചെയ്യുന്ന പുതിയ ചിത്രമായ ‘ലോക ചാപ്റ്റർ വൺ: ചന്ദ്ര’ എന്ന സിനിമയുടെ രചനയിലും ശാന്തി പങ്കാളിയാണ്. ജല്ലിക്കെട്ട്, പാപം ചെയ്യാത്തവർ കല്ലെറിയട്ടെ തുടങ്ങിയ ചിത്രങ്ങളിലെ ശാന്തിയുടെ പ്രകടനം ഏറെ ശ്രദ്ധിക്കപ്പെട്ടിരുന്നു.
View this post on Instagram
Story Summary: Director Dominic Arun shared a heartwarming and witty birthday wish for actress-writer Shanthi Balachandran on social media. Referring to her as his “greatest asset” (and jokingly as ‘asath’ initially), he praised her warm personality and friendship. Shanthi made her debut through Dominic’s film ‘Tharangam’ and is also the co-writer for his upcoming project ‘Loka Chapter 1: Chandra’. Actors like Tovino Thomas and Kalyani Priyadarshan also extended their wishes.
