ചെന്നൈ: ഐപിഎൽ 2026-ലെ നിർണ്ണായക മത്സരത്തിൽ കരുത്തരായ ചെന്നൈ സൂപ്പർ കിംഗ്സിനെ എട്ട് വിക്കറ്റിന് പരാജയപ്പെടുത്തി ഗുജറാത്ത് ടൈറ്റൻസ് (IPL 2026). ചെന്നൈയുടെ കോട്ടയായ എം.എ ചിദംബരം സ്റ്റേഡിത്തിൽ വെച്ചായിരുന്നു ഗുജറാത്തിന്റെ ഈ തകർപ്പൻ വിജയം. ഇതോടെ പോയിന്റ് പട്ടികയിൽ ഡൽഹി ക്യാപിറ്റൽസിനെ മറികടന്ന് പ്ലേ ഓഫ് സാധ്യതകൾ നിലനിർത്താൻ ഗുജറാത്തിന് സാധിച്ചു.
ടോസ് നഷ്ടപ്പെട്ട് ബാറ്റിംഗിനിറങ്ങിയ ചെന്നൈക്ക് നിശ്ചിത 20 ഓവറിൽ 158 റൺസ് മാത്രമേ നേടാനായുള്ളൂ. ഗുജറാത്തിന്റെ കൃത്യതയാർന്ന ബൗളിംഗ് ചെന്നൈ ബാറ്റർമാരെ വരിഞ്ഞുമുറുക്കി. 159 റൺസ് വിജയലക്ഷ്യവുമായി ഇറങ്ങിയ ഗുജറാത്ത് വെറും രണ്ട് വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു. നായകൻ ശുഭ്മാൻ ഗില്ലും കഴിഞ്ഞ മത്സരത്തിലെ സെഞ്ച്വറി വീരൻ സായ് സുദർശനും നൽകിയ തകർപ്പൻ തുടക്കമാണ് ഗുജറാത്തിന്റെ വിജയം അനായാസമാക്കിയത്.
ഈ വിജയത്തോടെ ഗുജറാത്ത് ടൈറ്റൻസ് പ്ലേ ഓഫ് റേസിൽ നിർണ്ണായക മുന്നേറ്റം നടത്തി. പരാജയപ്പെട്ടെങ്കിലും ചെന്നൈക്കും വരും മത്സരങ്ങൾ നിർണ്ണായകമാണ്.
അതേസമയം , സ്വന്തം കാണികൾക്ക് മുന്നിൽ പരാജയപ്പെട്ടത് ചെന്നൈ സൂപ്പർ കിംഗ്സിന് വലിയ തിരിച്ചടിയായി. എന്നാൽ മികച്ച ഫോം തുടരുന്ന സായ് സുദർശന്റെയും ഗില്ലിന്റെയും പ്രകടനം ഗുജറാത്തിന് വരും മത്സരങ്ങളിൽ വലിയ ആത്മവിശ്വാസം നൽകും.
Story Summary: Gujarat Titans secured a commanding 8-wicket victory over Chennai Super Kings at the MA Chidambaram Stadium in an IPL 2026 clash. Chasing a modest target of 159, Shubman Gill and Sai Sudharsan guided GT to an easy win, keeping their playoff hopes alive. With this victory, GT has overtaken Delhi Capitals in the points table.
