മുംബൈ: റിയൽ എസ്റ്റേറ്റ് നിക്ഷേപങ്ങളിൽ ശ്രദ്ധ കേന്ദ്രീകരിച്ച് പ്രിയ ഗായിക ശ്രേയാ ഘോഷാൽ (Shreya Ghoshal New House). മുംബൈയിലെ സാന്താക്രൂസ് വെസ്റ്റിൽ 20.88 കോടി രൂപ വിലമതിക്കുന്ന പുതിയ അപ്പാർട്ട്മെന്റാണ് താരം ഏറ്റവും ഒടുവിലായി സ്വന്തമാക്കിയത്. ശ്രേയയും മാതാപിതാക്കളായ ശർമിഷ്ഠാ ഘോഷാലും ബിശ്വജിത്ത് ഘോഷാലും ചേർന്നാണ് ഈ വസ്തു വാങ്ങിയിരിക്കുന്നത്.
സാന്താക്രൂസ് വെസ്റ്റിലെ സരോജിനി റോഡിലുള്ള ‘വായു’ (Vayu) എന്ന അത്യാധുനിക കെട്ടിടത്തിലാണ് ഈ അപ്പാർട്ട്മെന്റ്. ഓം ഡെവലപ്പേഴ്സിൽ നിന്നാണ് ഇത് വാങ്ങിയത്. കെട്ടിടത്തിന്റെ മുകളിലത്തെ നിലയിൽ സ്ഥിതി ചെയ്യുന്ന ഈ വീടിന് 2,900 ചതുരശ്ര അടി വലിപ്പമുണ്ട്. ഇതിൽ 299 ചതുരശ്ര അടി ബാൽക്കണിയാണ്. മൂന്ന് കാർ പാർക്കിങ് സ്പേസുകൾ അപ്പാർട്ട്മെന്റിനൊപ്പമുണ്ട്.
വെള്ളിയാഴ്ച നടന്ന രജിസ്ട്രേഷനായി 1.25 കോടി രൂപയാണ് സ്റ്റാമ്പ് ഡ്യൂട്ടിയായി താരം അടച്ചത്. മുംബൈയിൽ ശ്രേയയും കുടുംബവും സ്വന്തമാക്കുന്ന മൂന്നാമത്തെ ആഡംബര അപ്പാർട്ട്മെന്റാണിത്. കഴിഞ്ഞ കുറച്ചു മാസങ്ങൾക്കിടെ വലിയ തുകയുടെ മറ്റ് രണ്ട് ഇടപാടുകളും ശ്രേയ നടത്തിയിരുന്നു. വർളിയിലെ കടലിന് അഭിമുഖമായുള്ള ഈ അപ്പാർട്ട്മെന്റ് 30 കോടി രൂപയ്ക്കാണ് വാങ്ങിയത്. 29.7 കോടി രൂപയുടെ മറ്റൊരു അപ്പാർട്ട്മെന്റും ഇതേ കെട്ടിടത്തിൽ താരം സ്വന്തമാക്കിയിരുന്നു.
ഏപ്രിൽ മാസത്തിൽ നടന്ന വർളിയിലെ ഇടപാടിന് മാത്രം 1.8 കോടി രൂപ സ്റ്റാമ്പ് ഡ്യൂട്ടിയായി നൽകിയിരുന്നു. ഇതോടെ മുംബൈയിലെ പ്രമുഖ റിയൽ എസ്റ്റേറ്റ് നിക്ഷേപകരിൽ ഒരാളായി ശ്രേയ മാറുകയാണ്.
Story Summary: Renowned singer Shreya Ghoshal has purchased a luxury apartment in Santacruz West, Mumbai, for ₹20.88 crore. This is her third high-end real estate investment in the city, following two recent purchases in Worli worth approximately ₹60 crore combined. The new 2,900 sq. ft. apartment at ‘Vayu’ on Sarojini Road was registered on Friday, involving a stamp duty of ₹1.25 crore.
