കൊൽക്കത്ത: പശ്ചിമ ബംഗാളിൽ ബിജെപി അധികാരത്തിൽ വന്നാൽ സംസ്ഥാനത്തേക്ക് ഒരു നുഴഞ്ഞുകയറ്റക്കാരനെ പോലും പ്രവേശിക്കാൻ അനുവദിക്കില്ലെന്ന് കേന്ദ്ര ആഭ്യന്തര മന്ത്രി അമിത് ഷാ. നിലവിൽ സംസ്ഥാനത്തുള്ള അനധികൃത കുടിയേറ്റക്കാരെ ഓരോരുത്തരെയായി കണ്ടെത്തി പുറത്താക്കുമെന്നും അദ്ദേഹം മുന്നറിയിപ്പ് നൽകി.(Not A Single Intruder Will Be Allowed In Bengal If BJP Comes To Power, says Amit Shah)
ഹൂഗ്ലി ജില്ലയിലെ ബാലാഗഢിൽ നടന്ന തെരഞ്ഞെടുപ്പ് റാലിയിൽ സംസാരിക്കുകയായിരുന്നു അദ്ദേഹം. ബിജെപി സർക്കാർ അധികാരത്തിലെത്തിയാൽ അതിർത്തികൾ സുരക്ഷിതമാക്കുമെന്നും നുഴഞ്ഞുകയറ്റം പൂർണ്ണമായും അവസാനിപ്പിക്കുമെന്നും അദ്ദേഹം പറഞ്ഞു. നിലവിൽ ബംഗാളിലുള്ള അനധികൃത കുടിയേറ്റക്കാരെ തിരഞ്ഞെടുത്ത് പുറത്താക്കും എന്ന് അദ്ദേഹം വ്യക്തമാക്കി.
സംസ്ഥാനത്ത് ബിജെപി വ്യക്തമായ ഭൂരിപക്ഷത്തോടെ സർക്കാർ രൂപീകരിക്കുമെന്നും ബംഗാളിലെ വോട്ടെടുപ്പിന്റെ ഒന്നാം ഘട്ടം ഇതിന്റെ സൂചനയാണെന്നും അദ്ദേഹം അവകാശപ്പെട്ടു. സംസ്ഥാനത്ത് ഒന്നാം ഘട്ട വോട്ടെടുപ്പ് പുരോഗമിക്കുകയാണ്.
