കണ്ണൂർ: തലശ്ശേരി കൊഴൂരിൽ ആർഎസ്എസ് പ്രവർത്തകന്റെ കൈപ്പത്തി വെട്ടിമാറ്റിയ കേസിൽ പ്രതികളായ മൂന്ന് സിപിഎം പ്രവർത്തകർ കുറ്റക്കാരാണെന്ന് കോടതി കണ്ടെത്തി. ഒന്നാം പ്രതി തെക്കേ കണ്ണോളി വീട്ടിൽ ശ്രീജിത്ത് (ടെൻഷൻ ശ്രീജിത്ത്), ഷൈജു, ഷഫീഖ് പി.കെ. എന്നിവർക്കാണ് കോടതി ശിക്ഷ വിധിച്ചത്.(RSS worker’s palm chopping case, Court finds 3 CPM workers guilty)
ശ്രീജിത്ത് 14 വർഷം കഠിനതടവും 1,25,000 രൂപ പിഴയും അനുഭവിക്കണം. പിഴ അടച്ചില്ലെങ്കിൽ ഒരു വർഷവും മൂന്നു മാസവും അധിക തടവ് അനുഭവിക്കണം. ഷൈജു, ഷഫീഖ് എന്നിവർക്ക് എട്ടു വർഷം വീതം കഠിനതടവും 75,000 രൂപ വീതം പിഴയും ആണ് വിധിച്ചത്. പിഴ അടച്ചില്ലെങ്കിൽ മൂന്നു മാസം അധിക തടവ് അനുഭവിക്കണം.
2015 നവംബർ 23-നാണ് കേസിനാസ്പദമായ സംഭവം നടന്നത്. ബസ് ക്ലീനറായിരുന്ന ആർഎസ്എസ് പ്രവർത്തകൻ റൈജേഷിനെ ബസ് തടഞ്ഞുനിർത്തി ക്രൂരമായി വെട്ടിപ്പരിക്കേൽപ്പിക്കുകയും കൈപ്പത്തി വെട്ടിമാറ്റുകയുമായിരുന്നു.
