ന്യൂഡൽഹി: ബീഹാർ മുഖ്യമന്ത്രിയും ജനതാദൾ (യുണൈറ്റഡ്) അധ്യക്ഷനുമായ നിതീഷ് കുമാർ ഇന്ന് രാജ്യസഭാ അംഗമായി സത്യപ്രതിജ്ഞ ചെയ്യും. മാർച്ച് 30-ന് ബീഹാർ ലെജിസ്ലേറ്റീവ് കൗൺസിൽ അംഗത്വം രാജിവെച്ചതിനെത്തുടർന്നാണ് അദ്ദേഹം പാർലമെന്റിന്റെ ഉപരിസഭയിലേക്ക് എത്തുന്നത് (Nitish Kumar Rajya Sabha Oath). സത്യപ്രതിജ്ഞാ ചടങ്ങിൽ പങ്കെടുക്കുന്നതിനായി ബീഹാർ ഉപമുഖ്യമന്ത്രിമാരായ വിജയ് കുമാർ സിൻഹയും സമ്രാട്ട് ചൗധരിയും ഇന്നലെ തന്നെ ദേശീയ തലസ്ഥാനത്ത് എത്തിയിട്ടുണ്ട്.
നിതീഷ് കുമാർ രാജ്യസഭയിലേക്ക് മാറുന്നതോടെ ബീഹാർ മുഖ്യമന്ത്രി പദവിയിൽ പുതിയ നിയമനം ഉണ്ടാകുമോ എന്ന ചർച്ചകൾ സജീവമാണ്. എന്നാൽ എൻഡിഎ ഇതുമായി ബന്ധപ്പെട്ട് യാതൊരു അഭിപ്രായവ്യത്യാസവുമില്ലെന്ന് ബിജെപി നേതാവ് നിതിൻ നബിൻ വ്യക്തമാക്കി. എല്ലാ കാര്യങ്ങളും കൃത്യമായ ഷെഡ്യൂൾ അനുസരിച്ചാണ് മുന്നോട്ട് പോകുന്നതെന്നും ബിജെപി എപ്പോഴും സഖ്യധർമ്മത്തെ മാനിക്കുന്ന പാർട്ടിയാണെന്നും അദ്ദേഹം കൂട്ടിച്ചേർത്തു. നിതീഷ് കുമാറിന്റെ നേതൃത്വത്തിലാണ് എല്ലാ തീരുമാനങ്ങളും കൈക്കൊള്ളുന്നതെന്നും അദ്ദേഹം അറിയിച്ചു.
ബീഹാറിൽ ഏറ്റവും കൂടുതൽ കാലം മുഖ്യമന്ത്രിയായിരുന്ന റെക്കോർഡിന് ഉടമയാണ് നിതീഷ് കുമാർ. 1985-ൽ എംഎൽഎയായാണ് അദ്ദേഹം തന്റെ രാഷ്ട്രീയ ജീവിതം ആരംഭിച്ചത്. പിന്നീട് അടൽ ബിഹാരി വാജ്പേയി സർക്കാരിൽ കേന്ദ്രമന്ത്രിയായും സേവനമനുഷ്ഠിച്ചു. 2005-ലാണ് അദ്ദേഹം ആദ്യമായി ബീഹാർ മുഖ്യമന്ത്രിയാകുന്നത്. രാജ്യത്തെ ഏറ്റവും പരിചയസമ്പന്നരായ രാഷ്ട്രീയ നേതാക്കളിൽ ഒരാളായ നിതീഷ് കുമാർ കേന്ദ്ര രാഷ്ട്രീയത്തിൽ കൂടുതൽ സജീവമാകാനുള്ള നീക്കമായാണ് ഈ രാജ്യസഭാ പ്രവേശനത്തെ രാഷ്ട്രീയ നിരീക്ഷകർ വിലയിരുത്തുന്നത്.
Summary: Bihar Chief Minister and JDU chief Nitish Kumar will take oath as a member of the Rajya Sabha today, April 10, 2026. This follows his resignation from the Bihar Legislative Council on March 30. Bihar’s Deputy CMs are in Delhi to attend the event. While his move to the Upper House sparks speculation about a new CM for Bihar, BJP leaders emphasized that there are no differences within the NDA and everything is proceeding as per schedule under Nitish Kumar’s leadership.
