പാലക്കാട്: താൻ ജയിച്ച് വികസന പദ്ധതികൾ കൊണ്ടുവരുന്നത് തടയാൻ ശ്രമിക്കുകയാണെന്ന് പാലക്കാട്ടെ എൻഡിഎ സ്ഥാനാർത്ഥി ശോഭ സുരേന്ദ്രൻ. വോട്ടിന് പണം നൽകി എന്ന ആരോപണം പൂർണ്ണമായും കെട്ടിച്ചമച്ചതാണെന്നും ഇതിന് പിന്നിൽ ഗൂഢാലോചനയുണ്ടെന്നും അവർ ആരോപിച്ചു.(The story is being fabricated and spread, Sobha Surendran on controversy in Palakkad )
ജമാഅത്തെ ഇസ്ലാമിയുടെ തണൽ പറ്റിക്കൊണ്ട് ഒരു വിഭാഗം മാധ്യമപ്രവർത്തകർ പാലക്കാട് തെറ്റായ പ്രചാരണം നടത്തുകയാണ്. പണം നൽകിയതിന് എന്ത് രേഖയാണുള്ളതെന്ന് അവർ ചോദിച്ചു. കഥകൾ കെട്ടിച്ചമച്ച് തന്നെ വ്യക്തിഹത്യ ചെയ്യാനാണ് ശ്രമം.
പണം നൽകി എന്ന് പറയുന്ന വീട്ടിലെ അമ്മ തന്നെ അത് നിഷേധിച്ചിട്ടുണ്ട്. എന്നാൽ ആ വാർത്ത റിപ്പോർട്ട് ചെയ്യാൻ പലരും തയ്യാറായില്ല. ശോഭ സുരേന്ദ്രന്റെ സ്റ്റിക്കർ ഒട്ടിച്ച നിരവധി കാറുകൾ മണ്ഡലത്തിൽ ഓടുന്നുണ്ട്, അതിനർത്ഥം താൻ പോയി പണം നൽകി എന്നല്ലെന്നും അവർ പറഞ്ഞു.
